वीरगंज (पर्सा), १४ साउन । जगारनाथपुर गाउँपालिकाको वन तथा वातावरण शाखाको सहयोगमा बृक्षारोपण गरिएको छ । नेपाल सरकारको उद्योग वाणिज्य तथा आपूर्ति मन्त्री रमेश रिजालको प्रमुख आतिथ्यमा वृक्षारोपण गरिएको हो । जगारनाथपुर गाउँपालिकाको वन तथा वातावरण शाखाको सहयोगमा गठित सुहपुर सोहारी हरियाली वन व्यवस्थापन समुहको निगरानीमा वृक्षारोपण गरिएको हो ।
जगरनाथपुर गाउँपालिका वडा नं ४ स्थित सुहपुर सोहरीमा वन लगाउने ठाउँमा सागवान, शिरिस, सपेता, बकायन, कदम, निम, बेल, पिपल, बर्गज, भिलोर, जंगली विरुवा, जडीबुटी, आँप, जामुन, आवला लगायत विभिन्न प्रजातिका ६ हजार विरुवाहरु रोपिएको थियो । वृक्षारोपणलाई उद्योग वाणिज्य तथा आपूर्तिमन्त्री रमेश रिजालले विरुवा रोपेर वृक्षारोपणको सुरुवात गरेका थिए ।
सुहपुर सोहारी हरियाली वन व्यवस्थापन समुहका अध्यक्ष ब्रजेश प्रसाद यादवको अध्यक्षतामा आयोजित वृक्षारोपण कार्यक्रममा प्रदेश सांसद शंकर चौधरी, गाउँपालिका अध्यक्ष श्रीकान्त प्रसाद यादव, वडाध्यक्ष प्रभुनाथ प्रसाद नुनिया, बिहारी महतो, लक्ष्मी साह, सुभाष कुमार यादव लगायत वडासदस्य, समुहका पदाधिकारी सदस्य सहित स्थानीयहरुको उपस्थिति रहेको थियो ।
प्रतिक्रिया दिनुहोस् !