बारागढी (बारा), १४ असार । बारा जिल्लाको बारागढी गाउँपालिका विरुद्ध प्रकाशित समाचार ‘भ्रामक तथा तथ्यहीन’ रहेको भन्दै खण्डन गरेको छ । यही असार १० र ११ गतेका दिन विभिन्न सञ्चार माध्यममा ‘बारागढी गाउँपालिकाको लेखापाल चौधरीको मनोमानी कमिशनको खेलमा विकासको योजना अगाडि सारिँदै’ भन्ने शिर्षकमा प्रकाशित समाचारमा कुनै सत्यता नरहेको भन्दै पालिकाले खण्डन गरेको छ ।
पालिकामा आयोजित पत्रकार सम्मेलनमा लेखा प्रमुख अजय चौधरीले पालिकाले ऐन कार्यविधिको मातहतमा रही योजनाहरु संचालन गरि रहेकोमा संचालन नै नभएको योजनालाई ठेकेदारको उक्साहटमा पालिकालाई बद्नाम गर्ने र कर्मचारीलाई चरित्र हत्या गर्ने योजना सहित तथ्यहीन एवं भ्रामक समाचार प्रकाशन गरिएकोले समाचारमा कुनै सत्यता नरहेकोले भ्रममा नपर्न बारागढी बासीहरुलाई आग्रह समेत गरे ।
उनले पालिकाका जनप्रतिनिध एवं कर्मचारीहरु विरुद्ध आम जनसमुदायमा दिगभ्रमित पार्ने खालका झुठो, भ्रामक तथा तथ्यहीन ालका सम्बन्धित कर्मचारी तथा जनप्रतिनिधिसँग कुनै पनि किसिमको प्रतिक्रिया नलिई सत्य तथ्य कुरा नबुझी, विषयवस्तुको जानकारी नलिई ग्याँस सिलिण्डर खरिद टेण्डर प्रक्रिया सम्बन्धमा एक पक्षीय तवरले अराजक तत्वहरुको प्रलोभनमा परि कर्मचारी एवं जनप्रतिनिधिको चरित्र हत्या गर्ने, बद्नाम गर्ने बाहेक अरु केही नरहेको बताए । ग्याँस सिलिण्डर खरिद टेण्डरका सम्बन्धमा मिलोमतो गरेको भनि लगाइएको आरोप झुठो एवं तथ्यहीन रहेको लेखा अधिकृत चौधरीको भनाई छ ।
उनका अनुसार सभा वा संसदबाट पारित भएका योजना तथा कार्यक्रमलाई कार्यान्वयनमा लैजानु कर्मचारीहरुको दायित्व हो । सोही मूल्य मान्यतालाई आत्मसाथ गर्दै चालु आ.व. २०७९/०८० को गाउँसभाबाट स्वीकृत भएको ग्याँस सिलिण्डर खरिद तथा वितरण योजना तथा कार्यक्रमलाई गाउँपालिकाले मिति २०७९/०९/०४ गतेको निणर्य अनुसार सार्वजनिक खरिद ऐन २०६३ र सार्वजनिक खरिद नियमावली २०६४ बमोजिम विद्युतीय बोलपत्र (ई-टेण्डर) प्रक्रियाबाट २०७९/१२/२४ गते केन्द्र स्तरीय पत्रिकामा सूचना प्रकाशन गरि प्रमुख प्रशासकीय अधिकृतको अध्यक्षतामा गठित मूल्याँकन समितिको निणर्य अनुसार ठेक्का पट्टा लगाइएको र ठेक्का साकार भएको ठेकेदार कम्पनीको सम्पूणर् कागजात रहेको अवस्थामा भ्रामक समाचार प्रकाशन गरिएको बताए ।
बोलपत्रहरुमध्ये प्रतिस्पर्धाका आधारमा आर्थिक रुपले सबैभन्दा कम कबोल गरेको टेण्डर रौतहट स्थित न्यू इलेक्ट्रोनिक प्लाजाको टेण्डर स्वीकृत भएको र त्यसको कबोल मूल्य ३ करोड ८६ लाख ६० हजार ७२७ रुपैयाँ ६० पैसा रहेको लेखा अधिकृत चौधरीको भनाई छ ।
प्रतिक्रिया दिनुहोस् !