• मुस्कान श्रेष्ठ
वीरगंज (पर्सा), ३१ पर्सा । मानव सेवा आश्रम वीरगञ्ज शाखाले गण्डक अस्पताल छेउमा रहेको नालाभित्र वेवारिसे अवस्थामा रहेका १ युवकको उद्दार गरेको छ ।
अन्दाजी २०–२२ वर्षका युवकको उद्दार गरी आश्रममा ल्याएको मानवसेवा आश्रम वीरगञ्ज शाखाकी संयोजक सानु गुरुङले जानकारी दिनुभयो । वीरगञ्जको गण्डक छेउको नालामा मानसिक सन्तुलन गुमाएको युवक नग्न अवस्थामा रहेको भन्ने जानकारी पाएपश्चात कार्यालयका सचिव दिवेश तामाङको नेतृत्वमा गएको टोलीले उद्दार गरी आश्रममा ल्याएको आश्रमकी संयोजक सानु गुरुङले बताउनुभयो ।
उद्दार गरिएको ति युवकको शरिर भरी निलडाम रहेको छ । उनलाई कसैले कुटपिट गरेर नालामा फ्याकेको हुन सक्ने गुरुङले बताउयनुभयो । मानसिक सन्तुलन गुमाएका युवकले मानवसेवा आश्रममा सबैलाई कुट्ने, गमला फुटाउने कार्य गरिरहेको हुँदा उनलाई छुट्टै कोठमा राखेर मानसिक परामर्श सहित उपचार गरिएको छ ।
उद्दार गरेर आश्रममा ल्याएपश्चात युवकको स्वरुप परिवर्तन भएपनि मानसिक सन्तुलन गुमेको कारण उदण्ड भएको गुरुङले बताउनुभयो । हाल वीरगञ्जस्थित मानवसेवा आश्रममा ५ जना बालबालिका, ५५ जना जेष्ठ नागरिकसहित ६० जनाले आश्रय लिएका छन् ।
प्रतिक्रिया दिनुहोस् !