• अनिल तिवारी
वीरगंज (पर्सा), ५ फागुन / पुर्व राष्ट्रपति रामबरण यादवले वैश्वीक बताबरणमा आइरहेको परिवर्तनलाई मध्यजन गर्दै चुरे पर्वतहरुलाई समयमै संरक्षण गर्नु पर्ने आवश्यकता रहको धारण व्यक्त गर्नु भएको छ । उहाले बाताबरणीय महत्वका साथ चुरेपर्वत रेन्जलाई सरक्षण र व्यवस्थापन गरिएन भने तराई लगायत सिमासंग जोडिएको भारतीय समतल क्षेत्रहरु मरुभूमि बन्दै जाने चिन्ता व्यक्त गर्नु भयो ।
केहि दिन देखि वीरगन्जको भ्रमणमा रहनु भएका राष्ट्रपति यादव बरिष्ट पत्रकार चन्दकिशोरको पिपरा निवासमा संचारकर्मिहरुसंग कुरा गर्दै यस्तो धारणा व्यक्त गर्नु भएको हो । मिडिया फरबोर्डर हारमोनी नेपालका अध्यक्ष अनिल तिवारी र भारतका अध्यक्ष अमरेन्द्र तिवारीसंग बिशेष कुरा गर्दै नेपाल भारत सिमा बिचको सम्बन्धलाई अझ सौहार्यता बनाउने अभियानमा मिडिया फर बोर्डर हारमोनिले गरिरहेको काम सराहनिए भएको राष्ट्रपतिको भनाइ थियो ।
एक अर्को प्रसंगमा कुरा गर्दै राष्ट्रपति यादवले आफुहरुको समयमा उच्च शिक्षा हासिल गर्ने प्रचलन भारतसम्म भएपनि अहिले पश्चिमि मुलुक प्रति आकषर्ण बढको उहाको भनाइ थियो । उहाले नेपालबाट उच्च शिक्षा अध्यनको लागी पश्चिमि मुलुकहरुमा भइरहेको युवाहरुको पलायनले गर्दा जनशक्ति पलायनको क्रमबढदै गएको कुरा चिन्ताको बिषय भएको बतउनु भयो ।
उच्च शिक्षाको लागी युवाहरुको अमेरिका,ब्रिटेन ,युरोप र अष्ट्रेलियाको पलायनले गर्दा मौलिक नेपाली सभ्यता,सांस्कृती र संस्कार मेटिदै गइरहेकोमा यो मुलुकको लागी ठुलो चिन्ता बिषय हुनु पर्ने उहाको भनाइ थियो । युवाहरुमा बढदै गएको बिदेसिने मनोबिज्ञानलाई राज्यबाट समयमै सम्बोधन नगरिए आउने समय मुलुकको लागी ठुलो चुनौति बन्दै जाने निश्चय रहेको राष्ट्रपति यादवको भनाइ थियो ।
प्रतिक्रिया दिनुहोस् !