• मुस्कान श्रेष्ठ
वीरगंज (पर्सा), १२ माघ / पर्सा प्रहरीले ठगी गरेको आरोपमा ३ जनालाई पक्राउ गरेको छ । पक्राउ पर्नेमा वीरगञ्ज महानगरपालिका वडा नम्बर का २२ वर्षीय आकाश साह, २२ वर्षीय संजय साह र २१ वर्षीय महम्द सकिर मियाँ रहेका छन् ।
वीरगञ्ज महानगरपालिका वडा नम्बर १० स्थितमा माँ दुर्गे मनिट्रान्सफर प्रा.लि.मा काम गर्दै आएका उनीहरुलाई सञ्चालक विजय सर्राफले नगद ४ लाख १४ हजार ८ सय नेपाली रुपैयाँ कृषि विकाश बैंक वीरगञ्जमा जम्मा गर्न पठाएका थिए । उनीहरुले उल्लेखित रकम जम्मा नगरी ४ जनाको मिलोमतोमा निजहरू भागबण्डा लगाइ फरार भएका थिए । माँ दुर्गे मनिट्रान्सफरका संचालक विजय सर्राफले नगद जम्मा गर्न पठाएको कर्मचारी नफर्केपछि प्रहरीलाई खबर गरेका थिए ।
प्रहरीले सूचना पाए लगतै जिल्ला प्रहरी कार्यालय पर्साबाट खटिएको प्रहरी टोलीले खोजी तलास गर्दै जाँदा अभियुक्त आकाश साह, संजय साह, महम्द सकिर मियाँलाई वीरगञ्ज महानगरपालिका वडा नम्बर १० बाट नियन्त्रणमा लिएको जिल्ला प्रहरी कार्यालय पर्साका प्रहरी प्रवक्ता एवम प्रहरी नायब उपरीक्षक दिपक गिरीले जानकारी दिनुभयो । उनीहरुको साथबाट २ लाख २३ हजार ५ सय रुपैयाँ समेत बरामद भएको उहाँले बताउनुभयो ।
प्रकाउ परेका अभियुक्तहरुलाई पर्सा जिल्ला अदालतबाट ठगी, अपराधिक विश्वासघात तथा अपराधिक लाभ सम्बन्धी कसूरमा ४ दिनको म्याद थप गरी अनुसन्धान भईरहेको साथै फरार १ जानको खोजी कार्य भईरहेको प्रहरीले जनाएको छ ।
प्रतिक्रिया दिनुहोस् !