‘दिग्भ्रमित राजनीतिको निकास युवाको भुमिका’ विषयक एकदिवसीय अन्तरक्रिया

• विसुनदेव सरदार
लहान (सिरहा), २४ पुस / सिराहाको जिल्ला उद्योग वाणिज्य संघ लहानको सभा हलमा संस्थागत, लोकतन्त्र र सुशासनका लागि नागरिक खवरदारी कार्यक्रम सम्पन्न भएको छ । नागरिक समाज नेपालको आयोजनामा देश र मधेशको दिग्भ्रमित राजनीतिको निकास र युवाको भुमिका विषयक एकदिवसीय अन्तरक्रिया कार्यक्रम सम्पन्न भएको हो ।
कार्यक्रमलाई सम्बोधन गर्दै कार्यक्रमका प्रमुख अतिथि वरिष्ठ नागरिक मानव अधिकारकर्मी कृष्ण पहाडीले विकासको अधिकार महत्त्वपूर्ण अधिकार रहेको बताए । गाउँगाउँमा सिँह दरबार, अनि भ्रष्टाचार भएकै हो भन्दै सुशासन भर्सेज कुशासन विकासको अधिकार महत्त्वपूर्ण अधिकार हुने बताए ।
नेपालको राजनीतिमा कुनै पनि पार्टीको नैतिकता नरहेको भन्दै पहाडीले उनीहरू नैतिकता विहीन लोकतन्त्र माथि राजनीति गरिएको आरोप लगाए । उनले राजनीतिमा दण्डहीनता भएको हो, त्यो जनताको माया, स्नेहले भएको भन्दै अहिलेको युवा पुस्ताले व्यवस्थाको विकल्प नखोजेर नेताको विकल्प खोजेकोले यस्तो अवस्था सृजना भएको बताए ।
उनले नागरिक समाजलाई जहिले पनि खवरदारी गर्नुपर्नेमा भन्दै विकासमुखी राजनीतिक दल हुनुपर्दछ, पुलपुलेसा, बाटोघाटो, आवास, उद्दमशीलता, जस्तालाई प्राथमिकतामा राख्नुपर्ने बताए । सेवामुखी समाज हुनु अतिआवश्यक छ, अधिकारमुखी साँस्कृति ः अधिकारको आन्दोलन, जाति, भाषा, क्षेत्र र आस्था जस्ता ४ वटालाई अधिकारमुखीको प्राथमिकता साथ राख्नुपर्ने उनको भनाई थियो ।
कार्यक्रममा सहभागी सुफल रमणले नेपालको राजनीतिमा निजीकरण हुनु, लोकतन्त्र लुटतन्त्रमा परिवर्तन हुनु, सुशासन कुशासन हुनु, हत्या हिँसा, गरिबी बेरोजगारी बढ्नुको मुख्य भागिदार नेपालका राजनीतिक पार्टी रहेको आरोप लगाए ।
कार्यक्रममा रोयल सफ्टेक कलेज लहानका संस्थापक अध्यक्ष डा. महादेव शाहले रसियन सरकारको सहयोगमा बनेका जनकपुर चुरोट कारखानामा प्रदेश सरकारले मोज गर्दै आएकोप्रति दुःख व्यक्त गरे । जनकपुर चुरोट कारखानालाई थप माथि उकासिनुको साटो प्रदेश सरकारले ५ वर्षमा झन् चुरोट कारखानाको अस्तित्वलाई समाप्त पारेको बताए । चुरोट कारखानामा कार्यरत ४० हजार नेपाली कामदार कारखाना बन्द भएपछि विदेशिनु परेकोले यो काराखाना पुनः संचालन भए ४० हजार नेपाली स्वदेशमै रोजगारी पाउनेथिए र उनीहरुको जनजीवन उकासिने थियो भने ।
कार्यक्रममा नागरिक समाज नेपालका मांगहरु पनि प्रस्तुत गरिएको थियो । उनीहरुको माग सेना विघटन गर, समानुपातिक राष्ट्रिय सुरक्षा बल गठन गर, शक्ति पृथकीकरणको सिद्धान्त अवलम्बन गर, विकास र समृद्धिको मुल फुटाउने संम्वाहकलाई चुनौं, एउटै व्यक्ति २ वटा कार्यकारी पदमा र दुई कार्यकालभन्दा बढी नबसौं, पोषणयुक्त खाना , शुद्ध खानेपानी हरेक नागरिकको अधिकार, राज्यका विभिन्न निकायमा हुने राजनैतिक भर्ती बन्द गर, शिक्षा स्वास्थ्यमा निजीकरण, व्यापारीकरण बन्द गर, वर्गभेद, जातिभेद र लिङ्गभेद विरुद्ध युवा अभियान, स्वदेशमै रोजगार हाम्रो अभियान लगायतका मागहरु राखिएको थियो ।
कार्यक्रम संयोजक नागरिक नेपालका कुमार कमलेन्द्रमको अध्यक्षतामा आयोजित कार्यक्रममा प्रमुख अतिथिमा वरिष्ठ अधिकारकर्मी कृष्ण पहाडी, अतिथिहरुमा वरिष्ठ पत्रकार रामरिझन यादव, डा. महादेव साह, प्रध्यापक हिरालाल कर्ण, संतोष साह, रामबिहारी साह, धर्नीधर अधिकारी डिडि, संचारकर्मी मो. रहमुल, जीबछ यादव, विसुनदेव सरदार, बिरु यादव लगायत मानव अधिकारकर्मी, संचारकर्मी लगायतको उपस्थिति रहेको थियो ।