• मुस्कान श्रेष्ठ
वीरगंज (पर्सा), ३० कात्तिक / सत्ता गठबन्धनको तर्फबाट पर्सा क्षेत्र नम्बर २ ‘ख’ का प्रदेश सभा सदस्यका उम्मेदवार रमेश प्रसाद कुर्मीले आज प्रतिबद्धता पत्र सार्वजनिक गर्नुभएको छ ।
वीरगंजस्थित आफ्नै निवासमा आयोजित पत्रकार सम्मेलनमा उहाँले आफ्नो घोषणा पत्र सार्वजनिक गर्नुभएको हो । पर्सा २ ‘ख’ का उम्मेदवार कुर्मीले सार्वजनिक गर्नुभएको घाषणा पत्रको पहिलो बुंदामा युवा रोजगारी तथा खेलकुद क्षेत्रलाई प्राथमिकता दिइएको छ । पत्रमा युवा जनशक्तिलाई विभिन्न शिप मुलक तालिम प्रदान गरेर स्वरोजगार बनाउने, विषेश योजनाका साथ आउने युवाहरुलाई लागनीको सुनिश्चितता गर्नुृका साथै राष्ट्रिय तथा अन्तराष्ट्रिय खेल खेल्ने खेलाडीहरुलाई प्रात्साहन गर्ने उल्लेख गरिएको छ ।
यसैगरी कृषी क्षेत्रमा आधुनिकीकरण र व्यवसयिकरण गर्न जोड दिने, कृषकहरुलाई मल, विउ सहज रुपमा उपलब्ध गराउने, ग्रामिण क्षेत्रमा उत्पादनको बजारीकरणमा पहल गर्ने प्रतिबद्धता पत्रमा उल्लेख गरिएको छ । उम्मेदवार कुर्मीले शैक्षिक क्षेत्रलाई प्रविधि मैत्री बनाउने र कक्षा १२ सम्मका शिक्षालाई निः शुूल्क बनाउने प्रतिबद्धता व्यक्त गर्नुभयो । साथै स्वास्थ्य क्षेत्रमा निःशुल्क एम्बुलेन्स सेवा संचालनमा गर्ने र अति विपन्न घर परिवारका लागि निःशुल्क स्वास्थ्य विमा कार्यक्रमको योजना ल्याउने पत्रमा उल्लेख छ ।
पर्यटन प्रवर्धनका दागि बहुदरमाई मन्दिरलाई धार्मिक पर्यटकिय स्थलको रुपमा विकास गर्ने, पक्की सडक संजाल विस्तार वीरगंज महानगर र बहुदरमाईलाई जोड्न सुगौलीमा पुल निर्माण गर्ने बताउनुभयो । यस्तै अनियमितता र ढिलासुस्तीको विरुद्ध आवाज उठाउनुका साथै महिलालाई आत्मनिर्भर बनाउन सिप मुलक तालिम प्रदान गर्ने र बालविवाह, दाईजो प्रथाको अन्त्यका लागि सचेतनामुलक कार्यक्रम ल्याई कार्यान्वयनमा ल्याउने पर्सा क्षेत्र २ खका लोसपाका उम्म्ेदवार कुर्मीले बताउनुभयो ।
उहाँले उद्योग क्षेत्रमा नीति निर्माणमा जोड दिने, स्थानीय उद्योगहरुलाई प्रोत्साहन गर्ने र युवा उद्यमीहरुलाई लगानीको वातावरण निर्माण गर्ने लगायतका महत्वाकांक्षी योजनाहरु ल्याउने प्रतिबद्धता व्यक्त गर्नुभयो ।
प्रतिक्रिया दिनुहोस् !