मुख्यमन्त्रीद्वारा मतदाताहरुसँग भेटघाट, छाता छापमा मतदान गर्न आग्रह

वीरगंज (पर्सा), २१ कात्तिक / वीरगंज महानगरपालिका वडा नं. ८ नेकपा एमालेका पूर्व वडा अध्यक्ष राजकिशोर साहको अध्यक्षतामा त्यहाँका मतदाताहरुसँग भेटघाट तथा छलफल अन्तरक्रिया कार्यक्रम सम्पन भएको छ ।
कार्यक्रमका प्रमुख अतिथी मधेश प्रदेशका माननीय मुख्यमन्त्री तथा पर्सा क्षेत्र नं.१ (ख) प्रदेश सभा सदस्य पदको उम्मेदवार लालबाबु राउतले यहाका समुदायको माग र आवश्यक्ता अनुसार सडक नाला, स्कुल सामुदायिक भवन मंन्दिर, मस्जिद लगायत पूर्वाधार विकासका कार्यहरु गरेकोले छाता छापमा मतदान गरि बिजयी गराउन आग्रह गर्नुभयो ।
कार्यक्रममा बोल्दै पर्सा क्षेत्र नं.१ प्रतिनिधि सभा सदस्य पदको उम्मेदवार प्रदीप यादवले पर्सा बासीहरुको हक अधिकार लगायत विकास निमार्ण सम्बन्धमा पटक पटक हाउसमा अवाज उठाएको र कम समयको लागी मन्त्री भएपनि विरगंजमा चिडियाखाना स्थापना गरी ऐतिहासिक काम गरेको बताउनु भयो। कार्यक्रममा नेकपा एमाले केन्द्रिय सदस्य प्रभु हजरा, प्रदेश कमिटी सदस्य नवराज शर्मा, जसपा नगर अध्यक्ष इशवर चन्द्र यादवको सहभागिता रहेको थियो।