साढे २८ लाख बढि प्रतिबन्धित भारतीय नोट सहित ३ जना महिला पक्राउ

• मुस्कान श्रेष्ठ
वीरगंज (पर्सा), २५ असोज / पर्सा प्रहरीले २८ लाख ५६ हजार प्रतिबन्धित भारतीय नोट सहित ३ जना महिलालाई पक्राउ गरेको छ । जिल्ला प्रहरी कार्यलय पर्साको मातहतमा रहेको वडा प्रहरी कार्यालय बिर्ता तथा प्रहरी चौकी ईनर्वा पर्साबाट खटिएको संयुक्त प्रहरी टोलीले वीरगञ्ज महानगरपालिका वडा नं.१६ रजतजयन्ती चोकबाट उनीहरुलाई पक्राउ गरेको पर्साका प्रहरी उपरीक्षक रमेश कुमार बस्नेतले बताउनुभयो ।
वीरगञ्ज सिमानाका हुदै भित्राउँदै गरेको भन्ने सूचनाको आधारमा भारतको रक्सौल देखि बिरगंज तर्फ आउँदै गरेकी नुवाकोट जिल्लास्थित .शिखरवेसी वडा नं.७ बस्ने ४५ वर्षीय अनिता तामाङ्ग र धादिङ्ग जिल्लाकी ३० वषीय मन्जु तामाङ्गको तालासी गर्दा अनिताको साथबाट भारतिय २ हजारको ५५ थान, ५ सयको ५ हजार ३ सय ८० थान गरी जम्मा.२८ लाख भारतिय रुपैया र मन्जुको साथबाट भारतीय रु.५ सयको ११२ थान गरी .५६ हजार रुपैया फेला परेको हो ।
साथै अनुसन्धानको क्रममा उनीहरुसंगै आएकी नुवाकोट शिख्रावेशी वडा नं.७ की ४४ वर्षीय सरिता अग्रवाल समेतको सलंग्नता देखिएको हुँदा बरामद रुपैयाँसहित निजहरूलाई पक्राउ गरी आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको पर्सा प्रहरीले जनाएको छ ।