वीरगन्ज (पर्सा), ३ साउन / वीरगञ्ज उद्योग वाणिज्य संघका अध्यक्ष डा. सुवोध कुमार गुप्ता कर्पोरेट इन्फ्लुइन्सीयल लिडरशिप अवार्ड २०२२ बाट सम्मानित भएका छन् ।
कर्पाेरेट मिडिया ग्रुपले आयोजना गरेको कर्पाेरेट बिजनेस अवार्ड २०२२ का अवसरमा नेपाल उद्योग वाणिज्य महासंघका केन्द्रीय सदस्यसमेत रहेका डा. गुप्ता उक्त विधामा सम्मानित भएका हुन् । डा. गुप्तालाई उपराष्ट्रपति नन्द बहादुर पुनले अवार्ड प्रदान गरेर सम्मानित गरेका हुन् । उद्यमशिलताको क्षेत्रमा डा. गुप्ताले गरेको नेतृत्व प्रसंशनीय रहेको भन्दै उनले निजी क्षेत्रमा गरेको योगदानको मूल्यांकन गरेर उक्त अवार्डबाट सम्मानित गरिएको कर्पाेरेट मिडिया ग्रुपका अध्यक्ष उज्जवल जंग शाहले बताउनु भयो ।
अवार्डबाट सम्मानित डा. गुप्ताले सम्मानले जिम्मेवारी थपिएको अनुभुती भएको प्रतिक्रिया दिए । नेपाल चामल दाल तथा तेल संघका केन्द्रीय अध्यक्षसमेत रहेका डा. गुप्ता विगत साढे २ दशकभन्दा लामो समयदेखि उद्योग र व्यवसायको क्षेत्रमा सक्रिय छन् ।
प्रतिक्रिया दिनुहोस् !