सिम्रौनगढ (बारा), २६ असार / ग्लोबल आईएमई लघुबित्त बित्तिय संस्था लिमिटेड शाखा कार्यालय सिम्रौनगढले दलित समुदायलाई किट्नाशक झुल वितरण गरेको छ । बारा जिल्लाको पचरौता नगरपालिका स्थित वडा नं. ३ श्रीनगर बैरिया टोलका बिपन्न दलित परिवारलाई एक कार्यक्रमबीच किट्नाशक झुल वितरण गरिएको हो ।
गर्मीको बेला लामखुट्टेको टोकाईबाट दलित विपन्न परिवारहरुले विभिन्न रोगको शिकार बन्ने गरेको अवस्थालाई मध्यनजर गर्दै उक्त वडाका ५० गरिब विपन्न परिवारलाई किट्नाशक झुल वितरण गरिएको ग्लोवल आईएमइ लघुबित्त बित्तिय ससंस्था लिमिटेड सिम्रौनगढ शाखाका शाखा प्रमुख बाल कृष्ण उप्रेतीले जानकारी दिए ।
सँस्थाले प्रति परिवार १ थान झुल बितरण गरेको उप्रेतीले बताए । वडा नं. ३ का स्थानीय अगुवाहरुको उपस्थितिमा दहियार स्टेशन अन्र्तगतका अनुगमन अधिकृत सुदिप ढकालले झुलहरु वितरण गरेका थिए । सामाजिक उत्तरदायित्व अन्तर्गत संस्थाले विगतमा पनि सिपमुलक तालिम, बित्तिय साक्षरता कार्यक्रम, दैबिक प्रकोप पीडितलाई राहात सहयोग लगाएतका अन्य बिभिन्न ससामाजिक कार्यहरु गदै आएको ढकालले जानकारी दिए ।
२०७४ सालमा स्थापना भएको सिसम्रौगढ शाखाले २ हजार ४ सय २८ जना सदस्यहरुलाई सेवा प्रदान गदै आईरहेको छ । यस शाखाले १ हजार ४ सय २९ जना सदस्यहरुलाई १६ करोड तिस लाख कर्जा प्रवाह गदै ५ करोड ३४ लाख बचत संकलन गरेको शाखा प्रमुख उप्रेतीले जानकारी दिए ।
झुल बितरण कार्यमा सिसम्रौगढ शाखाका शाखा प्रमुख सहित कर्मचारीहरु करनेश राम, लौकेश यादव, दिपक ठाकुर र दिलिप कुमार यादव लगायतको उपस्थिति रहेको थियो ।
प्रतिक्रिया दिनुहोस् !