मतदाता नमावली संकलनको लागि घुम्ति शिविर संचालन गर्न माग

वीरगन्ज (पर्सा), ५ असार / मतदाता नमावलीमा महिला, दलित लगायत सिमान्तकृत समुदायको पहुँच सुनिश्चिताका लागि जिल्लास्थित सरोकारवाहरुसंग अन्तरक्रिया शनिबार वीरगंजमा सम्पन्न भएको छ । नेपाल पत्रकार महासंघ पर्साको सभाहलमा भएको कार्यक्रममा सहभागिहरुले मतदाता नमावली संकलनको लागि वडा÷वडामा घुम्ति शिविर संचालन गर्नु पर्ने वताए । अझै पनि धेरै दलित तथा सिमान्तकृत समुदायका व्यक्तिहरुको मतदाता नमावलीमा नाम रहेको वताउँदै सहभागिहरुले नमावली संकलनको लागि घुम्ति शिविर संचालन गर्नु पर्ने माग गरे ।
कार्यक्रममा वोल्दै दलित अगुवा प्रभु पासवानले सहज तरिकाले मतदाता नमावली संकलनको वतावरण मिलाउनु पर्ने वताए । उनले वीरगंजमा मात्र मतदाता नमावली संकलन हुँदा गाउँका गरिब तथा दलित व्यक्तिहरुलाई अप्ठयारो हुने भएकोले गाउँ गाउँ मै शिविर संचालन गर्नु पर्ने वताए । पर्साकी जिल्ला निर्वाचन अधिकारी रन्जिता झाले स्थानिय तह निर्वाचन अघि पर्सामा ५९ हजारले मतदाता नमावलीमा नाम दर्ता गराएको वताइन । उनले मतदाता नमावली संकलन कार्य सधै चलिरहने भएपनि निर्वाचनको समयमा मात्र मतदाता नमावलीमा नाम दर्ता गराउने परिपाटीले थोरै कठिनाई भएको वताइन ।
कार्यक्रमकी प्रमुख अतिथी समेत रहेकी अधिकारी झाले थोरै बजेट र स्रोत साधन अभावका कारण चाहे जस्तो मतदाता नमावली संकलन कार्य गर्न नसकिएको वताइन । उनले जनचेतना अभाव र प्रचार प्रसारको कमि कारण पनि चाहेजतिको मतदाता नमावली संकलन नभएको वताइन । अहिले पनि जिल्ला प्रशासन कार्यालय, जिल्ला निर्वाचन कार्यालय र इलाका प्रशासन कार्यालय सुपौलीमा मतदाता नमावली संकलन जारी रहेको अधिकारी झाले वताइन । उनले ग्रामिण भेगका ठोरी, जगरनाथपुर, जिराभवानी र पटेर्वा सुगौली गाउँपालिकाको लागि इलाका प्रशासन कार्यालयमा र वाकी पालिकाको लागि जिल्ला प्रशासन र निर्वाचन कार्यालय व्यवस्था मिलाइएको वताइन ।
गाउँ गाउँमा मतदाता नमावली संकलनको लागि निर्वाचन आयोगमा आफूले पहल गर्ने समेत अधिकारी झाले आश्वासन दिइन । राष्ट्रिय दलित पत्रकार संघ पर्साका अध्यक्ष श्याम पासवानको अध्यक्षतामा भएको कार्यक्रममा समाजवदी प्रेस संगठन मधेश प्रदेशका संयोजक बृजलाल पासवान, नेपाल पत्रकार महासंघ पर्साका कोषाध्यक्ष संजिव मिश्र, समाजवादी प्रेस संगठन पर्साका अध्यक्ष मनोज पटेल, दलित अगुवा बुनेल राम, संगिता दास, सुशिल हाजरा, दलित सरोकार मंचका आइटी अफिसर सुनिल सरवरिया लगायतकाले मन्तव्य राखेका थिए भने कार्यक्रमको संचालन निला रामले गरेकी थिइन ।
राष्ट्रिय दलित पत्रकार संघ पर्साको समन्वय र दलित सरोकार मंच नेपाल कंचनपुरको आयोजनामा कार्यक्रम भएको थियो ।