कलैया (बारा), ९ भदौ । बाराको सिमरामा तीन वर्षीया बालिका गरिमा चौधरीको बलात्कारपछि भएको हत्या घटना र त्यसमा प्रहरीबाट भएका कमजोरीबारे छानबिन गर्न समिति गठन भएको छ । मधेश प्रदेश प्रहरी कार्यालयका एसएसपी प्रभु ढकालको अध्यक्षतामा समिति गठन भएको हो । समितिमा काठमाडौंबाट समेत अनुसन्धानमा अनुभवी प्रहरी अधिकारी खटाइएको नेपाल प्रहरीका प्रवक्ता एंव डिआइजी अबिनारायण काफ्लेले बताए ।
जिल्ला प्रहरी परिसर काठमाडौंमा कार्यरत डिएसपी राजु अधिकारीलाई छानबिनमा खटाइएको छ । उक्त घटनामा प्रहरीको भूमिकामाथि सुरुदेखि नै प्रश्न उठ्दै आएको छ । बालिका बेपत्ता भएपछि खोजीमा चासो नदिएकोदेखि आरोपीको भिडियो सार्वजनिक गरेको विषयले प्रहरी विवादित बनेको छ ।
यसैविच प्रतिनिधी सभाका सांसद सोमनाथ पोर्तेले सिमराकी बालिका गरिमा हत्या प्रकरणमा गृहमन्त्री र प्रहारीबाट अमानवीय र असन्तुलित व्यवहार देखिएको आरोप लगाएका छन् । मंगलबार राष्ट्रियसभा बैठकमा नेकपा (एमाले) सांसद पोर्तेलले तीन वर्षीया गरिमा चौधरीको बलात्कारपछि गरिएको हत्यामा कानुन कार्यान्वयन गर्ने नेतृत्वबाटै अमानवीय कार्य भएको बताए । गरिमाको न्यायाका लागि बोल्नु र अपराधीलाई कडा कारबाहीको पक्षमा उभिनु सबैको ध्येय हुनुपर्ने उनले बताए । तर, यो घटनामा इतिहासँमै नदेखिएको अमानवीय, असंवेदनशील, पाषाणकालीन देखिएको उनले बताए ।
‘एकातिर सिंहदरबारमा गृहमन्त्री भिडियो छायांकन गर्छन्, अर्कातिर प्रहरीको निर्देशनमा भिडियो छायांकन हुन्छ,’ उनले भने । उनले दुवै घटनाको ध्येय र संवाद कुरप र हृदायरविदारक रहेको बताए । गरिमाका आमाबुवालाई खुसी छौँ भन्न लगाउने र आरोपितलाई विजयोत्सव झै बयान दिन लगाउने कार्य भएको उनको टिप्पणी छ । पोर्तेलले भने, ‘एकातिर बलात्कारपछि हत्या भएकी गरिमाका आमाबुवालाई हामी खुसी छौँ भन्न लगाइन्छ, अर्कातिर अपराधीलाई विजयोत्सवझैँ छाती फुलाएर बयान दिन लगाइन्छ ।’
प्रतिक्रिया दिनुहोस् !