वीरगंज (पर्सा), १२ असार । मोहरमको अवसरमा वीरगंजमा शुक्रबार दाहा ताजिया जुलुस सम्पन्न भएको छ । इस्लाम धर्मावलम्बीहरूले परम्पराअनुसार श्रद्धा र धार्मिक आस्थाका साथ जुलुस निकालेका हुन् ।
मुर्ली चोकबाट सुरु भएको जुलुसमा मुर्ली, छपकैया, गण्डक बहुअरी लगायतका विभिन्न क्षेत्रका इस्लाम धर्मावलम्बीहरूको सहभागिता थियो । ताजिया बोकेर, धार्मिक नारा लगाउँदै र परम्परागत विधिअनुसार उनीहरू वीरगञ्जका विभिन्न क्षेत्र हुँदै घण्टाघर चोकमा पुगेका थिए ।
घण्टाघरमा ताजिया जुलुसहरू एकत्रित भएपछि कार्यक्रम समापन गरिएको थियो । मोहरमको अवसरमा निकालिएको दाहा ताजिया जुलुसलाई व्यवस्थित र शान्तिपूर्ण बनाउन सुरक्षा अवस्था व्यवस्थित गरिएको जिल्ला प्रशासन कार्यालय पर्साले जनाएको छ ।
प्रतिक्रिया दिनुहोस् !