परवानीपुर (बारा), २१ वैशाख । बाराको परवानीपुर गाउँपालिका वडा नम्बर ३ परवानीपुर बजारमा गएराति ट्याक्टरबाट माटो खसाउने क्रममा एकजना युवकको च्यापिएर मृत्यु भएको छ ।
स्थानीय रामबाबु रौनियारको जग्गामा ट्याक्टरले रातिको समयमा माटो खसाउने क्रममा प्लास्टिक टिपेर जीविकोपार्जन गर्ने अन्दाजी ३५ वर्षको युवकको ट्याक्टरले च्यापिएर मृत्यु भएको हो । इलाका प्रहरी कार्यालय प्रसौनीका प्रहरी निरीक्षक टुपेन्द्र श्रेष्ठका अनुसार सिसिटिभीको मद्दतले अनुसन्धान प्रक्रिया अगाडि बढाइएको छ ।
मृतक युवक यस अघि देखि नै सोही क्षेत्रमा प्लासटीक टिप्दै विक्री गर्ने र जहाँ पाए त्यही बस्ने गर्दै आएको युवक भएको स्थानीयले बताएका छन् । 
प्रतिक्रिया दिनुहोस् !