झापा, २२ फागुन । झापा निर्वाचन क्षेत्र नम्बर ५ को मतगणनामा राष्ट्रिय स्वतन्त्र पार्टी (रास्वपा) का उम्मेदवार बालेन शाहले उल्लेखनीय अग्रता कायम गरेका छन् । पछिल्लो मतपरिणामअनुसार शाहले १८ हजार ८४३ मत प्राप्त गर्दै प्रतिस्पर्धामा बलियो स्थिति बनाएका हुन् ।
उनका निकटतम प्रतिस्पर्धी नेकपा एमालेका उम्मेदवार केपी शर्मा ओली भने हालसम्म ४ हजार ४४२ मतसहित दोस्रो स्थानमा छन् । यस आधारमा शाहले ओलीभन्दा १४ हजार ४ सय १ मतको फराकिलो अन्तर कायम गरेका छन् ।
त्यस्तै, श्रम संस्कृति पार्टीका उम्मेदवार समीर तामाङ २ हजार ९१ मतसहित तेस्रो स्थानमा छन् । नेपाली कम्युनिस्ट पार्टीका उम्मेदवार रन्जित तामाङले ४ सय ९६ मत प्राप्त गरेका छन् । मतगणना जारी रहँदा झापा–५ मा बालेन शाहको अग्रता फराकिलो बन्दै गएको देखिएको छ ।
प्रतिक्रिया दिनुहोस् !