वीरगंज (पर्सा), ४ फागुन । नेपाली कम्युनिष्ट पार्टी (नेकपा) पर्सा निर्वाचन क्षेत्र नम्बर–२ का प्रतिनिधिसभा सदस्य उम्मेदवार मनोज चौधरीले सोमबार चुनावी कार्यक्रमअन्तर्गत घरदैलो तथा जनता दर्शन अभियानलाई निरन्तरता दिएका छन् । यस क्रममा उनले पर्सागढी नगरपालिका–८, हरपुरमा घरदैलो कार्यक्रम सम्पन्न गरेका हुन् ।
घरदैलोका क्रममा उम्मेदवार चौधरीले मतदातासँग प्रत्यक्ष संवाद गर्दै पार्टीको नीति तथा कार्यक्रमबारे जानकारी गराए। आफूलाई नयाँ अनुहार र स्वच्छ छविको उम्मेदवारका रूपमा प्रस्तुत गर्दै उनले मतदातासँग समर्थनको अपिल गरे । मतदातासँग कुराकानी गर्दै चौधरीले यसपटकको निर्वाचनमा जनतालाई भ्रममा पार्ने प्रयास भइरहेको दाबी गर्दै मतदातालाई सचेत रहन आग्रह गरे ।
उनले नेपाली कम्युनिष्ट पार्टी (नेकपा) मजदुर तथा सर्वहारा वर्गको पार्टी भएको उल्लेख गर्दै देशलाई वर्तमान अवस्थामा पुर्याउने शक्तिहरूप्रति मतदाता सजग हुनुपर्ने बताए । कार्यक्रममा पार्टीका नेता नगेन्द्र चौधरी, रामचन्द्र साह, किशोरी कुशवाहा, बृजलाल पासवान, शेख चाँदतारा, दुर्गा क्षेत्री, जीवनराम, टेकनारायण महतो, सन्तोष साह, दीपेन्द्र सिंह पटेल लगायतको उपस्थिति रहेको थियो ।
प्रतिक्रिया दिनुहोस् !