वीरगंज (पर्सा), १० भदौ । वडा प्रहरी कार्यालय श्रीपुरले चाँडवाडकाे समय सुरक्षा व्यवस्था सम्बन्धमा जनप्रतिनिधिहरुसंग छलफल गरेकाे छ । वडा प्रहरी कार्यालय श्रीपुरका प्रमुख प्रहरी निरिक्षक श्याम कुमार बस्नेतले श्रीपुरकाे एरियामा पर्ने वडाध्यक्षहरुसंग छलफल गरेका हुन् ।
वडाध्यक्षहरु संगकाे भेटघाटमा दशै, तिहार तथा छठ पर्वको समयमा हुने गरेका अपराधिक गतिविधी तथा त्यसको शान्ति, सुरक्षाको सम्बन्धमा आवश्यक छलफल तथा सुझाव आदान प्रदान गरिएकाे वडा प्रहरी कार्यालय श्रीपुरले जनाएकाे छ । प्रहरी निरिक्षक वस्नेतको अध्यक्षतामा भएकाे छलफलकाे क्रममा जनप्रतिनिधिबाट प्राप्त राय, सुझावलाई हृदयङ्ग गर्दै यस वडा प्रहरी कार्यालयकाे कार्य क्षेत्र भित्र पर्ने वडा एरियामा शान्ति सुरक्षाको व्यवस्था चुस्तदुरुस्त बनाउन सघाउने प्रहरी निरिक्षक बस्नेतले वताए ।
उनले चाँडवाडकाे समयमा शान्ति सुरक्षाकाे लागि जनप्रतिनिधिसहित स्थानिय भद्रभलादमीहरुकाे पनि सहयाेग आवश्यक रहेकाे वताए ।
प्रतिक्रिया दिनुहोस् !