पर्साकाे पकहाँ मैनपुर गाउँपालिकाकाकाे १२ औं गाउँ सभा बिहिबार सम्पन्न भएकाे छ । गाउँपालिका अध्यक्ष सुरेश प्रसाद मेहताकाे अध्यक्षतामा भएकाे गाउँ सभाले रु ३१ कराेड ५९ लाख २९ हजार बराबरकाे बजेट सर्वसहमतले पारित गरेकाे छ । गाउँपालिकाकी उपाध्यक्ष सरफुल नेसाकाे तर्फबाट बजेट प्रस्तुत गर्दै प्रमुख प्रशासकिय अधिकृत देवनाथ साहले चालु आर्थिक बर्ष २०८१/०८२ काे समाजिक सुरक्षा भत्ता सहितकाे अनुमानित बजेट रु ३९ कराेड ३९ लाख गाउँ सभाले सर्वसहमत स्विकृत गरेकाे जानकारी दिए ।
उनले समाजिक सुरक्षा भत्ता बाहेककाे बजेट रु ३१ कराेड ५९ लाख २९ हजार रहेकाे वताए । साे मध्ये चालुगत खर्च, पुंजिगत खर्च र सर्शत अनुदान समेत रहेकाे उनले वताए । जस मध्ये श्री रामचरित्र भगत माद्यमिक विद्यालय पकहाँ मैनपुरकाे भवन निर्माणकाे लागि रु १ कराेड २० लाख बजेट छुट्याइएकाे छ भने साेही विद्यालयकाे भवन निर्माणकाे लागि संघिय सरकारबाट पनि रु एक कराेड २० लाख नै अनुदान प्राप्त हुने प्रमुख प्रशासकिय अधिकृत साहले जानकारी दिए । यसका साथै कृषि विधुतिकरणकाे लागि पनि एक कराेड बजेट छुट्याइएकाे छ ।
यसका साथै सम्पन्न गाउँ सभाले आर्थिक विधेयक २०८१ समेत पारित गर्नुकाे साथै प्रशासनिक कार्यविधि विधेयक २०८१ (प्रशासनिक ऐन) समेत स्विकृत गरेकाे छ । गाउँ सभाले न्यायिक समिति पुर्नगठन पनि गरेकाे छ । गाउँ सभाले उपभाेक्त समितिबाट गरिने विकास निर्माणकाे काममा १० प्रतिशतदेखि १२ प्रतिशत सम्म श्रम दान गर्नु पर्ने निर्णय समेत गरेकाे छ ।
प्रतिक्रिया दिनुहोस् !