• मुस्कान श्रेष्ठ
वीरगंज (पर्सा), १४ फागुन । वीरगंज कलेजले विधार्थीहरुमा उद्यमशिलता विकासका लागी सिक्दै कमाउदै कार्यक्रम अन्तरगत २ दिने खाना तथा सांस्कृतिक मेलाको आयोजना गर्ने भएको छ । सोमबार कलेज परिसरमा पत्रकार सम्मेलन गर्दै विधार्थीहरुमा सिक्दै कमाउदै अवधारणाको साथै उद्यमशिलता विकासमा टेवा पुर्याउने उदेश्यले कार्यक्रमको आयोजना गर्न लागिएको जानकारी दिएको हो ।
विधार्थीहरुले सिकेको सिपलाई व्यहवारिक रुपमा समेत लागु गर्न सकोस भन्ने अभिप्रायले खाना तथा सांस्कृतिक कार्यक्रमका आयोजना गर्न लागिएको वीरगन्ज कलेज डाईरेक्टर डा.दिपेन्द्र कुमार चौधरीले जानकारी दिनुभयो । यस कलेजले गतवर्ष पनि वीरगञ्जमा पहिलो पटक खाना तथा सांसकृतिक कार्यक्रमको आयोजना गरेको थियो ।
सोही कार्यक्रमलाई निरन्तरता दिँदै यसवर्ष पनि फागुन १८ गते र १९ गते २ दिन दिउँसो २ बजेदेखि राति १० बजेसम्म बी.पी उद्यानको फुटपाथमा खाना तथा सांसकृतिक मेलाको आयोजना गर्न लागिएको हो । यस कार्यक्रमले विधार्थीहरुलाई आत्मनिर्भर बनाउन हौसला प्रदान गर्नुका साथै बारा पर्साका लोक सांस्कृतिक तथा पराम्परागत खानाहरुको प्रवद्धन हुने चौधरीले बताउनुभयो ।
मेलामा ३० वटा भन्दा बढी स्टलहरु रहने र स्टलहरुबाट बिक्री भएको आम्दानी विधार्थीहरुको हुने क्याम्पस प्रशासनले जनाएको छ । यस्तै मेला प्रवेशमा कुनै प्रकारको शूल्क नलाग्ने बताईएको छ ।
प्रतिक्रिया दिनुहोस् !