वीरगंज (पर्सा), २१ पुस । पकहामैनपुर गाउँपालिका कार्यालय प्रमुखमाथि सूचना मागको बहानामा भएको दुव्र्यवहारको प्रयासप्रति स्थानीय तह कर्मचारी युनियन, नेपाल मधेश प्रदेशको गम्भिर ध्यानाकर्षण भएको छ । युनियन मधेश प्रदेश तथा गाउँपालिका कर्मचारीहरुले संयुक्त रुपमा विज्ञप्ति जारी गर्दै पुस २० गते शुक्रबार गाउँपालिकामा परीक्षण संचालनको बखत सूचना मागको बहानामा कार्यालय प्रमुखसँग अमर्यादित तथा सुनियोजित तरिकाले दुव्र्यवहार गर्ने भएको प्रयासप्रति गम्भिर ध्यानाकर्षण भएको जनाएको छ ।
युनियका मधेश प्रदेश उपाध्यक्ष सुधाँशु शेखर प्रसादद्वारा हस्ताक्षर गरि जारी विज्ञप्तिमा शिक्षक पदपूर्तिका लागि संचालित परीक्षाको व्यवस्थापन गर्दाको समयमा केही व्यक्तिहरुको समुहले परीक्षा संचालन भईरहेको वेला सूचना मांगको बहानामा कार्यालय प्रमुखसँग अमर्यादित तथा सुनियोजित तरिकाले दुव्र्यवहार गर्ने प्रयास गरेकोप्रति युनियनको गम्भीर ध्यानाकर्षण भएको उल्लेख गरिएको छ ।
‘स्थानीय तहको नयाँ सरंचना र व्यवस्थापनमा धेरै चुनौतीहरु रहेको बेला कर्मचारीहरुलाई सहयोग गरी मनोबल बढाउनु पर्नेमा कर्मचारीहरुलाई लक्षित गरी अपमानित गर्ने, दुव्र्यवहार गर्ने जस्ता गतिविधिहरु गरी मनोबल खस्काउने कार्य भएको हुँदा उक्त गतिविधिको घोर भत्सर्ना गर्दछौ ।’ विज्ञप्तिमा उल्लेख गरिएको छ । साथै आगामी दिनहरुमा त्यस्ता आपतिजनक गतिबिधीहरु नदोहोर्याई कार्यालयको कामकाज प्रभावित नबनाउनु हुन सबैमा विज्ञप्ति मार्फत अपिल समेत गरिएको छ । 
प्रतिक्रिया दिनुहोस् !