वीरगंज (पर्सा), ९ पुस । पर्साको पटेर्वा सुगौली गाउँपालिका वडा नं. २ थरकटी टोलमा बाघको आक्रमणबाट एक जना युवकको ज्यान गएकाे छ । स्थानिय बाबुलाल उरावँको २२ बर्षीय छोरा मनोज उरावँको ज्यान गएकाे हो । राती करीब ७ बजे आफनै घरको छेउमा रहेको फरगटी आधारभुत विद्यालय नजिक बाघले आक्रमण गरि मनाेजलाई मारेको पटेर्वा सुगौली गाउँपालिकाका अध्यक्ष दिनेश प्रसाद चौधरीले बताए ।
हिजो साँझपख जंगल छेऊमा शौच गर्न गएका मनोजलाई बाघले घिसारेर लगेको थियो । मनोज बेपत्ता भएपछि खोजी गर्ने क्रममा उनले लगाएको चप्पल भेटिएको स्थानमा बाघको पञ्जाको डोव पनि भेटिएकोले बाघले नै मनोजलाई लगेको यकिन भएकाे उनले वताए । राति अबेरसम्म घर नफर्किएका मनोजलाई खोज्न छिमेकी र गाउँलेहरूले सोमबार बिहान खेत तिर जाँदा खेत नजिकैको जङ्गलमा बाघले मारेर खाएको अवस्थामा मनोजका शरीरका अङ्गहरू भेटिएको हाे ।
बाटो भरी रगत लतपतिएको र टाउको र खुट्टा भएको घट्ना स्थलदेखी अन्दाजी १० मिटर उतर पूर्वमा मृतकको ज्यकेट पनि फेला परेको इलाका प्रहरी कार्यालय पटेर्वा सुगौलीका प्रहरी निरीक्षक रामराजा केशरीले जानकारी दिए । घटनाको आवश्यक मुचुल्का तयार गरी पोष्टमार्टमका लागि नारायणी अस्पतालमा पठाइएकाे प्रहरी निरीक्षक केशरीले बताए । 
प्रतिक्रिया दिनुहोस् !