• मुस्कान श्रेष्ठ
वीरगंज (पर्सा), १३ भदौ । पर्साको जिराभवानी गाउँपालिका वडा नम्बर ४ स्थित ईमृती खोलामा टाउको नभएको महिलाको शव फेला परेको छ । घाँटी भन्दा माथिको भाग नभएको अन्दाजी २५ वर्षीया महिलाको शव खोलामा तैरिरहेको अवस्थामा फेला परेको जिल्ला प्रहरी कार्यालय पर्साले जनाएको छ ।
खोलामा स्थानीयले माछा मार्ने क्रममा शव देखेपछि प्रहरीलाई खबर गरेका थिए । घटनाको बिषयमा जानकारी प्राप्त भए लगतै प्रहरी टोली घटनास्थल पुगेर शवलाई बाहिर निकालेको थियो । शवको प्रकृति हेर्दा १/२ दिन अघी मारेको हुन सक्ने प्रहरीको अनुमान छ । प्रहरीले शवको पोस्टमार्टमको बीरगन्जस्थित नारायाणी अस्पातलमा पठाएको छ । तालिम प्राप्त कुकुर प्रयोग गरेर घटनाको थप अनुसान्धान भइरहेको जिल्ला प्रहरी कार्यालय पर्साका प्रहरी नायब उपरीक्षक दिपक गिरीले जानकारी दिनुभयो ।
प्रतिक्रिया दिनुहोस् !