नेपाली नक्कली नोट सहित एकजना पक्राउ

वीरगंज (पर्सा), ९ असोज / बारा प्रहरीले नेपाली नक्कली नोटसहित एक जनालाई पक्राउ गरेको छ । इलाका प्रहरी कार्यालय सिम्रौनगढबाट खटिएको प्रहरी टोलीले सिम्रौनगढ नगरपालिका वडा न.५ कनकपुर टोल निवासी जगदेव महतो नुनियालाई पक्राउ गरेको हो ।
बिशेष सूचनाको आधारमा शुक्रबार साँझ अं. १९ः४५ बजेको समयमा सिम्रौनगढ नगरपालिका वडा नं.५ कनकपुर टोलस्थित जगदेवको घरमा कानून बमोजिम खानतलासी गर्दा रु ८२ हजार ५ सय नक्कली नोट बरामद भएको प्रहरीले जनाएको छ ।
खानतलासी गर्ने क्रममा निज घर धनि जगदेव सुत्ने कोठामा रहेको बाँसको मचानमाथी रहेको ओच्छायानको मुनी माछा मार्ने जालभित्र लुकाइ छिपाई राखेको अवस्थामा नेपाली रु.१ हजारको दरले नोट ८१ थान र रु.५ सयको दरको नोट ३ थान गरी जम्मा ८२, हजार ५ सय नक्कली नोट फेला परेकोले जिल्ला प्रहरी कार्यालय बाराले जनाएको छ ।