विन्दवासिनी गाउँपालिकाको नीति तथा कार्यक्रम प्रस्तुत

वीरगन्ज / पर्साको बिन्दबासिनी गाउँपालिकाको ११ औं गाउँ सभामा आर्थिक बर्ष २०७९÷०८० को निति तथा कार्यक्रम बिहिबार प्रस्तुत गरिएको छ ।
गाउँ कार्यपालिकाको कार्यालय बहुअर्वा भाठामा सुरु भएको गाउँ सभामा गाउँपालिका अध्यक्ष प्रमोद तिवारीले नीति तथा कार्यक्रम प्रस्तुत गरेका थिए । अध्यक्ष तिवारीले गाउँपालिकाको निति तथा कार्यकम प्रस्तुत गर्दै आफ्नो गाउँपालिका आफै बनाउको मुल निति अबिलम्बन गरिने वताए ।
उनले गाउँपालिकाको नियमित प्रशासनिक कार्यलाई मुस्कानसहितको प्रवाह गरिने वताए । कृषि क्षेत्रलाई गाउँपालिकाको उत्पादनको प्रमुख क्षेत्रको रुपमा विकास गरिने अध्यक्ष तिवारीले वताए । एक वडा एक उत्पादन कार्यक्रम मार्फत रोजगारीको समेत श्रृजना गरिने उनले वताए । गाउँपालिकाका प्रमुख प्रशासकीय अधिकृत राजु साहले कार्यक्रममा आएको सलाह, सुझावलाई समेटेर गाउँपलिकालाई सबै भन्दा उत्कृष्ट बनाउने प्रतबद्धता जनाए । उनले खुल्ला रुपमा गाउँ सभा गर्दा गाउँपालिका निति तथा कार्यक्रममा अपनत्व बढने वताए । गाउँ सभाले दिएको सेलिङको आधारमा टोल टोलमा गएर योजना छनौट गर्न वडाध्यक्षहरुलाई अधिकृत साहले सुझाव समेत दिए ।
गाउँ सभाले गाउँपालिकाको २९ करोड ५० लाख बराबरको बजेट सेलिङ समेत निर्धारण गरेको छ । सो बराबरको गाउँ सभाले कार्यक्रम तथा या्ेजनाहरु निर्धाण गर्ने जनाइएको छ । गाउँ सभामा वडा नं. १ का वडाध्यक्ष अक्षयलाल महतो, वडा नं. २ का वडाध्यक्ष मुक्तिनाथ प्रसाद कुर्मी, वडा नं. ३ का वडाध्यक्ष जय प्रकाश चौरसिया, वडा नं. ४ का वडाध्यक्ष अनोज चौरसिया, वडा नं. ५ का वडाध्यक्ष मोहन राउत अहीर, कार्यपालिका सदस्य मान्ती देवी, कुसमी कुमारी देवी, धनपति तत्मीन, रिमा कुमारी देवी, अशोक कुमार गुप्ता, शम्भु प्रसाद बरै, वडा सदस्यहरु, कर्मचारी लगायतहरुको उपस्थिती रहेको थियो भने कार्यक्रमको सहजीकरण रामप्रवेश साहले गरेका थिए ।