वीरगंज (पर्सा), २२ भदौ । सडक डिभिजन कार्यालय हेटौंडाले वीरगंजको मुख्य सडक फराकिलो बनाउने अभियान अन्तर्गत अन्तिम चरणको नापजाँच शुरू गरेको छ । गण्डकचोकदेखि मितेरीपुलसम्मको सडक क्षेत्र विस्तारका लागि अतिक्रमित संरचना हटाउने कार्य तीव्ररूपमा अघि बढाइएको कार्यालयले जनाएको छ ।
कार्यालयका अनुसार सडक विस्तारका क्रममा पहिलो चरणमा गत वैशाख ६ गते प्रारम्भिक नापजाँच गरिएको थियो । सडकको दायाँ/बायाँ २५–२५ मिटर क्षेत्र खाली गराउने लक्ष्य राखिए पनि विभिन्न स्थानमा संरचनाको अवस्था अनुसार २२ देखि २३ मिटरसम्म मात्र क्षेत्र खाली गराइएको थियो ।
वीरगंजको मुख्य सडक विस्तार अभियान अन्तर्गत अधिकांश निजी तथा व्यावसायिक संरचना हटाउने काम लगभग सम्पन्न भइसकेको छ । अब नेपाली सेनाको ब्यारेक, वीरगंज महानगरपालिकाको प्रयोगशाला, प्रहरी कार्यालय तथा केही मन्दिर र मस्जिदका संरचना हटाउन बाँकी रहेका छन् ।
प्रतिक्रिया दिनुहोस् !