कलैया (बारा), २० भदौ । पूर्वपश्चिम राजमार्ग अन्तर्गत बाराको दुधौरा–पिलुवा सडकको बीचमा शनिबार दिउँसो टिपरले मोटरसाइकललाई ठक्कर दिँदा एक शिक्षकको मृत्यु भएको छ । मृत्यु हुनेमा बाराको जीतपुरसिमरा उपमहानगरपालिका–१६ पिलुवा घर भएका ५२ वर्षीय देवबहादुर चौरेल रहेका छन् ।
चौरेल बाराको कलैया उपमहानगरपालिका–२४ मनहर्वास्थित नेपाल राष्ट्रिय माध्यमिक विद्यालयका शिक्षक रहेको बताइएको छ । पिलुवाबाट प्र.२–०३–०२२प ९६४५ नम्बरको मोटरसाइकल चलाएर पथलैयातर्फ आउँदै गरेका चौरेललाई निजगढतर्फ जाँदै गरेको ना १अ यु १३४ नम्बर लेखिएको टिपरले बैजुरा पुलमा ठक्कर दिएको थियो ।
घटनालगत्तै चौरेललाई गण्डकस्थित वीरगन्जको बयोधा मेडिसिटी अस्पताल ल्याइएपनि चिकित्सकले मृत घोषणा गरेको प्रहरीले जनाएको छ । प्रहरीले चालकसहित टिपरलाई नियन्त्रणमा लिएको छ ।
प्रतिक्रिया दिनुहोस् !