वीरगंज (पर्सा), १० साउन । पर्साको छिपहरमाई गाउँपालिका–१ मिर्जापुरस्थित एक आँपको बगैचाबाट प्रहरीले १४० किलो लागूऔषध गाँजा बरामद गरेको छ । जिल्ला प्रहरी कार्यालय पर्साका अनुसार विशेष सूचनाको आधारमा शनिबार राति करिब ९:३० बजे इलाका प्रहरी कार्यालय पोखरिया र सशस्त्र प्रहरी बलको बीओपी मिर्जापुरबाट खटिएको संयुक्त टोलीले उक्त स्थानमा खानतलासी गरेको थियो ।
खानतलासीका क्रममा आँपको बगैचाभित्र घाँसमा लुकाइछिपाइ राखिएको अवस्थामा १३ वटा पोकामा रहेको गाँजा जस्तो देखिने पदार्थ बरामद भएको प्रहरीले जनाएको छ । बरामद गरिएको गाँजाको तौल १४० किलोग्राम रहेको छ । घटनाबारे थप अनुसन्धान भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक चक्रबहादुर मल्लले जानकारी दिए ।
प्रतिक्रिया दिनुहोस् !