वीरगंज (पर्सा), २३ जेठ । क्रियाशील युवा पत्रकार मञ्चको आयोजनामा वीरगंजमा रक्तदान कार्यक्रम सम्पन्न भएको छ । वीरगंजको घण्टाघर क्षेत्रमा आयोजित कार्यक्रममा तीनजना महिलासहित ६० जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले जानकारी दिए ।
मञ्चका अध्यक्ष आनन्द पटेलेको अध्यक्षतामा आयोजित कार्यक्रममा नेपाल रेडक्रस सोसाइटी पर्साका सभापति बृजकिशोर पटेल, प्रेस सेन्टर नेपाल पर्साका अध्यक्ष शिवनाथ यादवलगायत पत्रकार, समाजसेवी तथा सर्वसाधारणको उपस्थिति रहेको थियो । कार्यक्रममा पूजा साह, राकेश कुमार साह, आरोहण साह, राजेन्द्र भट्टराई, आदित्य शर्मा, पप्पु साह, प्रताप पटेल, राकेश यादव, सुनिल साह, अनिल पटेल, उपेन्द्र कुमार पटेल, भुपेन्द्र पटेल, अमित आलोक, अस्रफ अलीलगायतले रक्तदान गरेका हुन् ।
प्रतिक्रिया दिनुहोस् !