वीरगंज (पर्सा), ११ जेठ । एक सय रुपैयाँ भन्दा बढि मुल्यको सामान भारतबाट नेपाल आयत गर्दा सीमावर्ती क्षेत्रका बासिन्दाले शास्ति खेपीरहेको बेला पर्साका एक जना सांसदले स्थानीय सहजीकरणका लागि अग्रसरता देखाएका छन् । पर्सा निर्वाचन क्षेत्र नं. ४ बाट निर्वाचित प्रतिनिधी सभाका सदस्य टेकबहादुर शाक्यले सो अग्रसरता देखाएका हुन् ।
क्षेत्र नं. ४ अन्तर्गत भारतसँग जोडिएका सीमावर्ती क्षेत्रका नागरिक अगुवा, स्थानीय जनप्रतिनिधी र सीमा सुरक्षा अधिकारीहरूलाई समेत राखेर संगै राखेर सांसद शाक्यले ठोरी ठाउँपालिका वडा नं. ५ स्थित बाघमोर्चा पोष्टमा समन्वय बैठक सम्पन्न गरे । शाक्यको संयोजनमा भएको बैठकमा दैनिक उपभोग्य तथा अत्यावश्यक सामग्रीको आयतमा देखिएका असहजताबारे स्थानीयका गुनासोलाई मध्येनजर राखि छलफल गरिएको थियो ।
विगतमा नै बनेर पनि कार्यन्वयनमा आउन नसकेको उक्त कानुन आज कार्यन्वयन गर्दा, विशेष गरि व्यपारिक प्रयोजन तर्फ कडाई गर्न र सर्वसाधरण उपभेक्ताका लागि व्यावहारिकतालाई हेरेर सहज गरिदिनु पर्ने, सांसद शाक्यको आग्रह थियो । जनप्रतिनिधिको हैसियतले नागरिकका जायज समस्या र सरोकारलाई सम्बन्धित निकायसम्म पुर्याई समाधानका लागि पहल गर्नु आफ्नो दायित्व रहेको भन्दै उनले, सहज आवागमन र दैनिक आवश्यकताको व्यवस्थापनका लागि सकारात्मक पहल गर्ने प्रतिबद्धता जनाए । बैठकमा जिल्ला सशस्त्र प्रहरी बल पर्साका प्रमुख, एसपी मोहन क्षेत्री साथै पर्सा क्षेत्र नं. ४ अन्तर्गतका विभिन्न बीओपी प्रमुखहरूको सहभागिता थियो । 
प्रतिक्रिया दिनुहोस् !