वीरगंज (पर्सा), ८ जेठ । राष्ट्रिय स्वतन्त्र पार्टी (रास्वपा) ले पर्सा निर्वाचन क्षेत्र नं. ४ अन्तर्गत संगठन विस्तार अभियानलाई तीव्र बनाउँदै ३२ वडामध्ये २७ वडामा वडा भेला सम्पन्न गरेको छ । क्षेत्रीय सभापति जितेन्द्र मिश्राका अनुसार बाँकी ५ वडाको भेला भने विभिन्न कारणले स्थगित गरिएको छ । केन्द्रीय कार्यतालिकाअनुसार सञ्चालन गरिएको अभियान अन्तर्गत ठोरी, जिराभवानी, जगरनाथपुर तथा धोबिनी गाउँपालिकाका सबै वडामा भेला सम्पन्न गरी वडा स्तरीय तदर्थ समिति गठन गरिएको उनले जानकारी दिए ।
ठोरी गाउँपालिकाको वडा नं. १ मा टकबहादुर कुंवर, वडा नं. २ मा रवि प्रसाद पौडेल, वडा नं. ३ मा रञ्जित बस्नेत, वडा नं. ४ मा होमबहादुर श्रेष्ठ तथा वडा नं. ५ मा बिख्रबहादुर श्रेष्ठको नेतृत्वमा तदर्थ समिति चयन गरिएको छ । यस्तै जिराभवानी गाउँपालिकामा वडा नं. १ मा राजहरण चौधरी, वडा नं. २ मा विशाल गुप्ता, वडा नं. ३ मा अजितकुमार राय, वडा नं. ४ मा रामप्रबेश राउत थारु तथा वडा नं. ५ मा रुदल रौरा थारुको नेतृत्वमा वडा समिति गठन गरिएको छ । जगरनाथपुर गाउँपालिकामा वडा नं. १ मा भरतसिंह क्षेत्री, वडा नं. २ मा मनोज केंवट, वडा नं. ३ मा पारस यादव, वडा नं. ४ मा सोनु मियाँ तथा वडा नं. ५ मा ओम सहनीको नेतृत्वमा तदर्थ समिति बनेको छ ।
त्यसैगरी धोबिनी गाउँपालिकाको वडा नं. १ मा रुपनारायण पटेल, वडा नं. २ मा चन्द्रिका पटेल, वडा नं. ३ मा शम्भु पटेल, वडा नं. ४ मा रोशन पटेल तथा वडा नं. ५ मा सुरेश साह सभापति चयन भएका छन् । छिपहरमाई गाउँपालिकाको वडा नं. १ र ४ मा अधिवेशन सम्पन्न गरी क्रमशः प्रमेश्वर पटेल र ज्ञानकुमार पाण्डेको नेतृत्वमा समिति गठन गरिएको छ । वडा नं. ५ मा साहिद अहमदको सभापतित्वमा तदर्थ समिति चयन गरिएको छ भने वडा नं. २ को अधिवेशन स्थगित भएको जनाइएको छ ।
कालिकामाई गाउँपालिकाको वडा नं. १, २, ४ र ५ मा पनि वडा भेला सम्पन्न भएको छ । भेलाबाट वडा नं. १ मा लालबाबु राउत बरई, वडा नं. २ मा मनमोहन प्रसाद चौरसिया, वडा नं. ४ मा विकास कुशवाहा तथा वडा नं. ५ मा धनिलाल राउत कुर्मीको नेतृत्वमा सर्वसम्मत तदर्थ समिति गठन गरिएको र वडा नं. ३ को भेला स्थगित गरिएको जानकारी दिइएको छ । क्षेत्रीय सभापति मिश्राका अनुसार पकहाँ मैनपुर गाउँपालिका–५ र पोखरिया नगरपालिका–३ बसन्तपुरमा वडा भेला हुन बाँकी छ । बाँकी वडाको भेला तथा अधिवेशन जिल्ला भेला सम्पन्न भएपछि गरिने उनले बताए ।
रास्वपाले अब पालिका तहको संगठन निर्माणलाई अगाडि बढाउने तयारी गरेको छ । केन्द्रीय कार्यतालिकाअनुसार जेठ ८ गते शनिबार जिराभवानी, जगरनाथपुर र कालिकामाई गाउँपालिकामा पालिका भेला आयोजना गरिनेछ । ती भेलाबाट पालिकास्तरीय तदर्थ समिति गठन गरिने क्षेत्रीय सभापति मिश्राले जानकारी दिए । 
प्रतिक्रिया दिनुहोस् !