वैशाख ७ गतेदेखि विद्यार्थी भर्ना तथा १६ गतेदेखि कक्षा संचालन गर्न निर्देशन

वीरगंज (पर्सा), ६ वैशाख । वीरगंज महानगरपालिकाको कार्यालयले महानगरमा रहेका सामुदायिक तथा निजी विद्यालयहरुलाई वैशाख ७ गतेदेखि विद्यार्थी भर्ना अभियान सुरु गर्न निर्देशन दिएको छ ।

महानगरपालिकाको शैक्षिक प्रशासन महाशाखाले आइतबार एक सूचना जारी गर्दै नयाँ शैक्षिक सत्र २०३/ ०४ का लागि वैशाख ७ गतेदेखि वैशाख १५ गतेसम्म विद्यार्थी भर्ना अभियान सञ्चालन गर्न निर्देशन दिएको हो ।

उक्त अवधिमै अभिलेखिकरण, वार्षिक कार्यतालिका तथा वार्षिक कार्य योजना निर्माण,शिक्षक क्षमता विकास कार्यक्रम र विद्यालय सुधार योजना निर्माण गर्नपनि महानगरपालिकाले सामुदायिक र निजी विद्यालयहरुलाई निर्देशन दिएको छ ।

यसैगरि वैशाख १६ गतेदेखि भने सबै विद्यालयमा पठन पाठन सञ्चालन गर्न निर्देशन दिइएको महाशाखा प्रमुख आनन्द लामिछानेले जानकारी दिए ।