वीरगंज (पर्सा), ७ फागुन । राष्ट्रिय वाणिज्य बैंक मधेस प्रादेशिक कार्यालय वीरगंजले आफ्नो ६१औं वार्षिकोत्सवको अवसरमा वित्तीय साक्षरता कार्यक्रम आयोजना गरेको छ । बुधबार पर्साको पिप्रास्थित श्री निरसिंह माध्यमिक विद्यालय मा सम्पन्न कार्यक्रममा ६० जना विद्यार्थीले प्रत्यक्ष रूपमा सहभागिता जनाई वित्तीय ज्ञान हासिल गरेका छन् ।
कार्यक्रममा विद्यालयका प्रधानाध्यापक हरेन्द्र प्रसाद कुर्मीले वित्तीय साक्षरता सबैका लागि आवश्यक रहेको बताउँदै दैनिक जीवन, बचत, लगानी र जिम्मेवार आर्थिक निर्णयका लागि यसको महत्वबारे धारणा व्यक्त गरे । बैंकको तर्फबाट आलोक रञ्जन कर्ण, उपप्रबन्धक रवि प्रसाद कानु, अशोक कुमार यादव, वृजकिशोर शाह र मोदनारायण चौधरीले विद्यार्थीहरूलाई बचत, बैंकिङ सेवा, डिजिटल कारोबार तथा वित्तीय अनुशासनसम्बन्धी प्रशिक्षण दिएका थिए ।
विद्यार्थीहरूमा आर्थिक सचेतना अभिवृद्धि गर्ने उद्देश्यले यस्ता कार्यक्रम सञ्चालन गरिएकाे कार्यक्रमका संयोजक आलोक रञ्जन कर्णले जानकारी दिए ।
प्रतिक्रिया दिनुहोस् !