वीरगंज (पर्सा), १ माघ । स्वर्गीय गोपाल गिरी स्मृति क्रियाशील पत्रकारिता पुरस्कार पत्रकार गोविन्द देवकोटालाई प्रदान गरिएको छ । नेपाल पत्रकार महासंघ पर्साले बिहीबार एक कार्यक्रमका बीच नगद रु ५१ हजार राशी सहित देवकोटालाई पुरस्कार प्रदान गरेको हो ।
नेपाल पत्रकार महासंघ पर्साका अध्यक्ष ओमप्रकाश खनालको अध्यक्षतामा सम्पन्न कार्यक्रममा मधेश प्रदेशका भूमि व्यवस्था, कृषि तथा सहकारी मन्त्री श्याम पटेल, पर्साका प्रमुख जिल्ला अधिकारी भोला दाहाल, नेपाल पत्रकार महासंघका केन्द्रीय सचिव अशोक तिवारी, पूर्व केन्द्रीय सचिव दिपेन्द्र चौहान लगायतको उपस्थिति रहेको थियो ।
कार्यक्रममा अध्यक्ष खनालले स्वर्गीय गोपाल गिरी तत्कालीन वीरगञ्ज नगर प्रमुख तथा नेपाल पत्रकार महासंघ पर्साका अध्यक्ष समेत रहेको स्मरण गराउँदै उहाँ निर्भीक, जनमुखी र सिद्धान्तनिष्ठ पत्रकार तथा कुशल जनप्रतिनिधि भएको बताए । पत्रकारितालाई सम्मान गर्ने उद्देश्यले २०६१ सालदेखि हरेक वर्ष यो पुरस्कार प्रदान गर्दै आइएकोे छ ।
प्रतिक्रिया दिनुहोस् !