वीरगंज (पर्सा), २५ पुस । पर्सा प्रहरीले ठुलो परिमाणमा अवैध लागुऔषध चरेस सहित दुइ जनालाई पक्राउ गरेको छ । इलाका प्रहरी कार्यालय पोखरीया र अस्थायी प्रहरी पोष्ट बहुअर्वाभाठाको गस्ती टोलीले बिहीबार विहान करिब ६ बजेको समयमा वीरगंज–पोखरीय हुलाकी सडक अन्तर्गत वीन्दबासीनी गाउँपालिका वडा नं. २ मा पर्ने, गर्दौल चोक नजिकबाट चरस सहित मानिस पक्राउ गरेको हो ।
पक्राउ पर्नेमा वीरगंज महानगरपालिका वडा नं. १५ मुर्ली बस्ने २० बर्षीय रैयास अली र पोखरीया नगरपालिका वडा नं. ८ बस्ने ५५ वर्षीय मुनिलाल पटेल रहेका छन् । उनीहरू कालो झोला भित्र प्लास्टीकको ग्यालेन बोकेर पैदल हिंडीरहेको बेला, प्रहरीले शंका लागि चेकजाँच गर्दा दुवैजनाले बोकेको ग्यालेन भित्र लागु औषध चरस फेला परेको जिल्ला प्रहरी कार्यालय पर्साका प्रवक्ता प्रहरी नायव उपरिक्षक राजु कार्कीले जानकारी दिए ।
रैयस अलिले बोकेको ग्यालेनबाट १० किलो ६०० ग्राम र मुनिलालले बोकेको ग्यालेनबाट ११ किलो ४०० ग्राम चरेस फेला परेको हो । उक्त ग्यालेनको मुखमा घिउ राखेर, प्रहरीलाई झुक्याउने किसिमले चरस तसकरी गरिरहेको अवस्थमा फेला पारिएको प्रहरी प्रवक्ता कार्कीले बताए । 
प्रतिक्रिया दिनुहोस् !