वीरगंज (पर्सा), २५ पुस । नेकपा माओवादी केन्द्रका साविक वैकल्पिक केन्द्रीय सदस्य तथा मधेस प्रदेश सभा सदस्य रहबर अन्सारीले पार्टी परित्यागको घोषणा गरेका छन् । उनले बिहीबार हुलाकमार्फत राजीनामापत्र पठाउँदै औपचारिक रूपमा पार्टी सदस्यता त्यागेका हुन् ।
राजीनामापत्रमा अन्सारीले पार्टी नेतृत्वप्रति असन्तुष्टि जनाएका छन् । उनले नेकपाका संयोजक पुष्पकमल दाहाल ‘प्रचण्ड’ले मधेस प्रदेशमा सुनाएको उर्दू सायरी उद्धृत गर्दै, ती शब्दहरू अब केवल स्मृतिमा सीमित भएको टिप्पणी गरे । पार्टीले साहस, इमानदारी र जोखिम लिन सक्ने राजनीतिक चरित्र गुमाइसकेको उल्लेख गर्दै, अब पार्टीभित्र रहन नसक्ने निष्कर्षमा पुगेको उनले बताए ।
राजीनामापत्रमा अन्सारीले आफू यो विरोधाभासको हिस्सा बन्न नसक्ने भन्दै पार्टी सदस्यताबाट विदा लिएको जनाए ।
प्रतिक्रिया दिनुहोस् !