• मुस्कान श्रेष्ठ
वीरगंज (पर्सा), ८ मंसिर । वीरगंजमा शारीरिक सुगठन क्षेत्रमा आबद्ध क्लब तथा प्रशिक्षकहरुको बैठक सम्पन्न भएको छ । शारीरिक सुगठन तथा फिटनेस सम्बन्धीत जिल्ला स्तीरय संगठन निर्माण गर्ने विषयमा छलफल भएको हो ।
वीरगंजको माईस्थान अथिति सदनमा बसेको बैठकमा नरग क्षेत्रमा रहेका जिम क्लबका सञ्चालक तथा प्रशिक्षकहरुको उपस्थितिमा पर्सा जिल्लामा शारीरिक सुगठन र फिटनेसको विकासलाई अघि बढाउने विषयमा विशेष छलफल भएको पब्लीक फिट्नेस क्लबका संचालक करण यादवले बताए ।
शारीरिक सुगठन तथा फिट्नेस सम्बन्धी संगठन केन्द्रमा गठन भईसकेको हुँदा यसलाई जिल्ला तथा प्रदेश स्तरमा विस्तार गर्दै जाने बताए । राष्ट्रिय स्तरका शारीरिक सुगठन प्रतियोगीताहरुमा वीरगंजको सहभागिता न्यून रहेको हुँदा युवाहरुलाई यस क्षेत्रमा संलग्न गराउने उदेश्यले संगठन निर्माण गर्न लागिएको उनले बताए ।
जिल्लामा शारीरिक सुगठन तथा फिटनेस क्षेत्रको प्रवद्र्धनका लागि विभिन्न कार्यक्रम अघि बढाउनुका साथै युवाहरुलाई शारीरिक स्वास्थ्यबारे सचेतना गराउने योजना रहेको आशिक अन्सारीले बताए ।
प्रतिक्रिया दिनुहोस् !