वीरगंज(पर्सा),८ मंसिर । वीरगंजस्थित नारायणी अस्पतालको प्राङ्गणमा वीरगंज समाज सेवा द्वारा २९ औं सप्ताहको अवसरमा निशुल्क भोजन शिविर सम्पन्न गरेको छ । यस कार्यक्रमको अवसरमा ५५० जना बिरामी, असहाय, रिक्सा चालक, ठेला र इरिक्सा चालक लगायतलाई निशुल्क भोजन प्रदान गरिएको थियो ।
कार्यक्रमको अध्यक्षता वीरगञ्ज समाज सेवाका अध्यक्ष अशोक कुमार गुप्ताले गरेका थिए । सचिव प्रकाश बाहेतीका अनुसार यो निशुल्क भोजन शिविर हरेक शनिबार आयोजित गरिन्छ । आजको शिविरमा २ बोरा चामलको भात, दाल, आलु परवलको तरकारी र भुटेको हरियो खुर्सानी सहित भोजन प्रदान गरिएको थियो । अध्यक्ष अशोक कुमार गुप्ताले यो भोजन घरमा पकाइएको जस्तै स्वादिलो र पोषिलो भएको बताए ।
यस कार्यमा सहयोग गर्ने व्यक्तिहरूमा अध्यक्ष अशोक कुमार गुप्ता, उपाध्यक्ष मनोज प्रसाद रौनियार, सचिव प्रकाश बाहेती, कोषाध्यक्ष बिनोद सरार्फ, सदस्य अभिलाष गुप्ता, मदन प्रसाद गुप्ता, राजु रुङ्ग्टा, वकिल प्रसाद रौनियार, रमेश अग्रवाल, नवनित अग्रवाल, लगायतको सहभागीता रहेको थियो । अध्यक्ष गुप्ताले यस कार्यलाई ’सेवा नै धर्म हो’ भन्दै, “गरिब, दुखी, असहायलाई भोजन गराउनु जस्तो अरु धर्म केही नभएको बताए ।
प्रतिक्रिया दिनुहोस् !