वीरगंज(पर्सा),८ मंसिर । रोट्रयाक्ट क्लब अफ वीरगंज मेट्रोपोलिस र रोट्रयाक्ट क्लब अफ युनाइटेड वीरगंजबीच आयोजित मैत्रीपुर्ण फुटसल प्रतियोगिता नगवाको ‘हाम्रो फुटसल’ मैदानमा सम्पन्न भएको छ। उक्त प्रतियोगितामा युनाइटेड क्लबले ४–१ गोलको शानदार जित हाँसिल गरेको हो।
३० मिनेटको खेलमा पहिलो हाफमा युनाइटेडका खेलाडी सुजल ठाकुरले एक गोल गर्दै आफ्नो टिमलाई अग्रता दिलाएका थिए। दोस्रो हाफमा वीरगञ्ज मेट्रोपोलीस क्लबका अपुरप सर्राफले एक गोल गरेपछि खेल १–१ बराबरीमा आएको थियो। तर, युनाइटेड क्लबले निरन्तर तीन गोल गर्दै विजयी बन्ने क्रममा आफ्नो शक्ति प्रदर्शन गरे।
रोट्रयाक्ट डिष्ट्रिक्ट ३२९२ अन्तर्गत जोन ३ मा रहेका नौ वटा क्लबहरूमध्ये दुई क्लबले यस प्रतियोगितामा प्रतिस्पर्धा गरेका थिए। प्रतियोगितामा रोट्रयाक्ट डिष्ट्रिक्ट फेलोसिप चेयर रेशु अग्रवाल, एडीआरआर चन्द्रभक्त अधिकारी लगायतको उपस्थिति रहेको थियो।
कार्यक्रममा रोट्रयाक्ट क्लब अफ वीरगञ्ज मेट्रोपोलीसका अध्यक्ष दिपु वर्णवाल, र रोट्रयाक्ट क्लब अफ युनाइटेड वीरगञ्जका अध्यक्ष सौरभ वर्णवाल तथा पूर्व अध्यक्ष सन्दिपराज ओझा पनि उपस्थित थिए।
यस आयोजनाले क्लब बीचको मित्रता र सहकार्यलाई प्रगाढ बनाउन मद्दत पुर्याएको छ, र यसका माध्यमबाट स्थानिय समाजमा सकारात्मक सन्देश फैलाइएको छ।
प्रतिक्रिया दिनुहोस् !