वीरगंज (पर्सा), १ मंसिर । पर्साकाे जगरनाथपुर गाउँपालिका तस्राे अध्यक्ष कप क्रिकेट टुर्नामेन्ट २०८१ काे उपाधि जगरनापुर गाउँपालिकाकाे वडा नं. २ जानकीटाेलाले जितेकाे छ । शनिबार भएकाे फाइनल खेलमा जगरनाथपुर गाउँपालिका कै वडा नं. ६ औंराहालाई २३ रनले हराउँदै वडा नं. २ जानकीटाेला विजयी भएकाे हाे ।
सुरुमा ब्याटिङ्ग गरेकाे वडा नं. २ ले पुरै ओभर खेल्दै ९ विकेटकाे नाेक्सानीमा १३५ रन बनाउन सफल भएकाे थियाे । त्यसपछि जवाफी ब्याटिङ्गमा उत्रेकाे वडा नं. ६ ले १९ ओभर मै पुरै विकेटकाे नाेक्सानीमा ११२ रन मै समेटिएपछि वडा नं. २ विजयी घाेषित भएकाे थियाे । टुर्नामेन्टका विजेता टिम वडा नं. २ लाई पूर्व उद्याेग वाणिज्य तथा आपुर्ति मन्त्री एवं प्रतिनिधि सभा सदस्य रमेश रिजाले पुरस्कार राशि रु ४० हजारकाे चेक र मेडल प्रदान गरेका थिए । उप विजेता टिम वडा नं. ६ लाई गाउँपालिका अध्यक्ष श्रीकान्त प्रसाद यादवले पुरस्कार राशि रु २० हजारकाे चेक र मेडल प्रदान गरे ।
फाइनल खेलकाे म्यान अफ द मैच वडा नं. २ का अरबाज आलम, बेष्ट ब्याट्स म्यान वडा नं. ६ का राहुल चाैबे, बेष्ट ब्लर वडा नं. ६ का सहदेव पटेल, बेष्ट फिल्डर वडा नं. २ का खुस्रेद आलम, बेष्ट किपर वडा नं. ६ का दिलरन्जन यादव र म्यान अफ द सेरिज वडा नं. ६ का राहुल चाैबे भएका थिए । टुर्नामेन्टकाे पुरस्कार वितरण कार्यक्रममा प्रमुख प्रशासकिय अधिकृत कृष्णनन्दन राय, वडा नं. २ का वडाध्यक्ष नेपाली कुशवाहा, वडा नं. ६ का वडाध्यक्ष रामअयाेध्या पटेल, विओपी भिखमपुरका डिएसपी रिवाज दहाल, याेजना शाखा प्रमुख पिन्कु राम, कृषि शाखा प्रमुख दया चाैहान, मन्जय राम लगायतकाे उपस्थिती रहेकाे थियाे ।
प्रतिक्रिया दिनुहोस् !