• मुस्कान श्रेष्ठ
वीरगंज (पर्सा), ११ असोज । मधेश विश्वविधालयले वीरगंजमा कानुन संकायका विधार्थीहरुसँग संघीयता सम्बन्धी अन्तरक्रिया गरेको छ । कार्यक्रमका प्रशिक्षक मधेश प्रदेशका मुख्यन्यायधिवक्ता सुरेन्द्र कमार महतोले मुलुकमा संविधान निर्माणदेखि संघीयताका विविध पक्षहरुको विषयमा प्रशिक्षण दिएका थिए । कार्यक्रमलाई सम्बोधन गर्दै मुख्यन्यायधिवक्ता महतोले संघीयता जातीय, भाषिक लैङ्गिक, सांस्कृतिक, धार्मिक र क्षेत्रीय भेदभावको अन्त्य गर्ने उद्देश्यले निर्माण गरिएको बताए ।
उनले संघीयताकै कारण मुलुकमा विकासको लहर चलेको भएपनि प्रदेश सरकारलाई खासै कुनै अधिकार नपाएको बताए । यद्यपि ७ वटै प्रदेश सरकारले आ-आफ्नो क्षेत्रमा विकासका कार्यहरु गरिरहेको उनको भनाई थियो । पछिल्लो समय विभिन्न संचारमाध्यमहरुमा संघीयता खर्चिलो र बोझ भएको जस्तो वास्तविक रुपमा त्यसतो नरहेको बताए । उनले संघीयता कार्यान्वयनको पक्षमा राज्य गम्भीर हुनुपर्ने कुरामा जोड दिएका थिए ।
कार्यक्रममा मधेश विशव विधालयमा अध्यन्नरत विधार्थीहरुले मुलुकमा संघीयताको मर्म र उद्देश्य, पटक पटकको सरकार परिवर्तन, संघीयता खारेजीका विषयहरु, संघीयता आए पश्चात मुलुकमा आएको परिवर्तन लगायतका विषयमा जिज्ञाशा राखेका थिए । मधेश विश्वविधालयका उप-कुलपति प्रा.डा. दिपक शाक्यको सभापतित्वमा आयोजित कार्यक्रममा कानुन संकायका विधार्थीहरु, संचारकर्मीहरुको सहभागिता रहेको थियो ।
कार्यक्रमलाई ईन्टरनेशनल आईडीया फाउण्डेसनका अभिषेक झाले सहजीकरण गरेका थिए ।
प्रतिक्रिया दिनुहोस् !