बरियारपुर (बारा), ७ भदौ । बारा जिल्लाको महागढीमाई नगरपालिका वडा नं १ स्थितबाट एक नेताको घरमा छापामारी गरि १२ जना जुवाडेहरुलाई बारा प्रहरीले पक्राउ गरेको छ । जिल्ला प्रहरी कार्यालय बारा कलैया मातहतका प्रहरी युनिटले महागढीमाई नगरपालिका वडा नं. १ निवासी स्थानीय नेता मोतिलाल कुशवाहाको घरमा छापामारी गरि घरधनी कुशवाहा सहित १२ जना जुवाडेलाई पक्राउ गरेको हो ।
पक्राउ पर्नेमा सोही ठाउँ निवासी राजेन्द्र साह कानु, मनोज प्रसाद कुशवहा, बिनोद प्रसाद, जाकिर हुसेन, राजु प्रसाद कुशवहा, अच्छेलाल महतो, कस्तुरी साह, राजकिशोर प्रसाद कुशवहा, जितेन्द्र तिवारी, सुकदेव प्रसाद यादव, मुस्ताक खान पैठान रहेका छन् । सो क्रममा प्रहरीले जुवा खालबाट नगद रु १ लाख ७१ हजार २८० रुपैयाँ समेत बरामद गरेको छ ।
बरामद गरिएको रकम सहित पक्राउ परेका १२ जनै जुवाडेमाथि आवश्यक कारवाही प्रक्रिया अगाडि बढाइएको जिल्ला प्रहरी कार्यालय बाराले जनाएको छ ।
प्रतिक्रिया दिनुहोस् !