वीरगंज (पर्सा), ३२ साउन । वीरगंजको पानीटंकीस्थित लिटिल बडी प्रिस्कुलमा निःशूल्क दन्त शिविर सम्पन्न भएको छ । स्कुलले रोट्रयाक्ट क्लब अफ वीरगंज मेट्रोपोलिस र स्माईल डेन्टल केयर एण्ड पोलि क्लिनिकको समन्वयमा शिविरको आयोजना गरेको हो ।
विद्यार्थीहरुलाई सानैदेखि दाँतको हेरचाह गर्न सिकाउनका लागि स्कुलले दन्त शिविरको आयोजना गरेको स्कुलका प्रिन्सीपल बिजय कुमार बलले जानकारी दिए । उनकाअनुसार शिविरमा चेकजाँच गर्ने चिकित्सकको परामर्ष र सुझावअनुसार बालबालिकाले दाँतको हेरचाह गर्ने बानीको बिकास गर्छन् । शिविरमा चेकजाँच गराएका विद्यार्थी, शिक्षक र अभिभावकले क्लिनिकमा चेकजाँच गराउँदा स्माईल डेन्टल केयर एण्ड पोलिक्लिनीकले २५ प्रतिशत छुट दिने पनि उनले जानकारी दिए ।
प्रिन्सीपल बलकै अध्यक्षतामा आयोजित शिविरमा दन्त चिकित्सक डा. आमिर आलम, डा. निकिता ठाकुर र डा. भावना कुमारी झाले चेकजाँच गरेका थिए । विद्यार्थीको चेकजाँच गर्दा अभिभावकलाई पनि सँगै राखेर दाँतको हेरचाह कसरी गर्ने भन्ने बारेमा पनि जानकारी दिइएको डा. आमिर आलमले बताए ।
पूर्व प्राथमिक तहदेखि नै विद्यार्थीलाई व्यक्तिगत सरसफाईका बारेमा जानकारी गराउँदा यसले विद्यार्थीको मानसिक र शारिरीक स्वास्थ्यमा ठूलो सघाउ पुग्ने उनको विश्वास छ । अरु सबै कुराको चेकजाँच गराएपनि दाँत नदुखेसम्म दाँतको परीक्षण नगराउने प्रवृतिको अन्त्य गर्नुपर्नेमा डा. आलमले जोड दिए ।
प्रतिक्रिया दिनुहोस् !