• मुस्कान श्रेष्ठ
वीरगंज (पर्सा), २० साउन । नेवा देय् दबू पर्साले एसईईमा उत्र्तिण भएका नेवा समदायका विधार्थीहरुलाई सम्मान गरेको छ । शनिबार एक कार्यक्रमको आयोजना गर्दै २०८० सालमा एसईई परिक्षामा उत्र्तिण भएका १८ जना छात्रछात्राहरुलाई सम्मान गरेको हो ।
कार्यक्रमलाई सम्बोधन गर्दै वीरगञ्ज महानगरपालिकाका नगर प्रमुख राजेश मान सिंहले असल तथा जेहेनदार विधार्थीहरु देशको भविष्य रहेको बताउदै मेहेनत र लगनशिल भएर अघी बढ्न विधार्थीहरुलाई सुझाव दिनुभयो । उहाँले पठनपाठनको क्रममा विधार्थीहरुलाई आइपर्ने समस्याको समाधान गर्न महानगर सदैव तयार रहेको बताउनुभयो ।
विधार्थीहरुलाई हौसला प्रदान गर्ने उदेश्यले सम्मान कार्यक्रमको आयोजना गरिएको नेवा देय् दबू पर्साका अध्यक्ष तारामान पतिले जानकारी दिनुभयो । कार्यक्रममा उत्तिर्ण भएका विधार्थीहरुलाई ११ सय नगद सहित सम्मान पत्र वितरण गरिएको थियो ।
यस्तै १८ जना विधार्थीहरु मध्य उत्कृष्ट अंक ल्याएका १ छात्रा र १ छात्रलाई पुरस्कार स्वरुपमा स्व. आन्नद लाल जोशी र गंगा देवी जोशीको स्मृतिमा छोराहरु सुनिल जोशी र संजय जोशीले ५१ सय नगद प्रदान गर्नुभएको थियो ।
मुस्कान श्रेष्ठको संयोजकत्वमा भएको कार्यक्रमको सहजीकरण सौरज प्रधानले गर्नुभएको थियो । कार्यक्रममा मधेश विश्वविधालयका उपकुलपित डा. दिपक शाक्य, नेवा पुचका अध्यक्ष हरि वैद्य, नेवा देय दबूका नगर कमिटी अध्यक्ष सत्यम खड्गी, सुनिल श्रेष्ठ, सुन्दर श्रेष्ठलगायतको सहभागिता रहेको थियो ।
प्रतिक्रिया दिनुहोस् !