परवानीपुर (बारा), २१ पुस । बाराको परवानीपुर गाउँपालिका वडा नं. ५ बहुअरीमा शनिबारदेखि बहुअरी सुपर लिग क्रिकेट प्रतियोगिता शुरु भएको छ । प्रतियोगिताको उद्घाटन परवानीपुर गाउँपालिका अध्यक्षका प्रत्यासी एवम् जसपा बारा क्षेत्र नं. ४ का क्षेत्रीय इन्चार्ज क्रीकेट प्रेमी सञ्जु साहले गरेका थिए । कार्यक्रमका प्रमुख अतिथी समेत रहेका इन्चार्ज साहले प्रतियोगिताको उद्घाटन गर्दै स्थानिय स्तरमा आयोजना हुने प्रतियोगिताले राष्ट्रिय स्तरको खेलाडी उत्पादन सहयोग पुग्ने वताए । उनले आउने दिनमा बहुअरी टोलका खेलाडीहरूको मनोबल बढने र भविष्यमा खेलाडीहरू राष्ट्रिय तहसम्म गएर खेल्ने अवसर प्रदान हुनेमा विश्वास व्यक्त गरे ।
बहुअरी क्रिकेट कमिटीका अध्यक्ष मनोज पटेलको अध्यक्षतामा भएको प्रतियोगिता उद्घाटन समारोहका बिशिष्ट अतिथीमा सागर पटेल, अतिथीमा सन्दिप पटेल, विन्देश्वर पटेल, भोला पटेल, स्वच्छ समाज युवा क्लबका उपाध्यक्ष उमेश साह, सचिव त्रिलोक प्रताप सिंह, कोष अध्यक्ष मुर्तुजा आलम, सदस्य प्रध्यापक सरोज यादव, संदिप यादव, कमिटीका सलाहकार हरिओम पटेल लगायतको उपस्थिती रहेको थियो भने कार्यक्रमको सञ्चालन आनन्द पटेलले गरेका थिए । प्रतियोगितामा ६ वटा टिमको सहभागिता रहेको छ । टिमका संचालक सञ्जु साह, सागर पटेल, धीरज सिंह, प्रमोद यादव, ललन पटेल, विकास पटेल रहेका छन ।
प्रतियोगिताको पहिलो दिन शनिबार दुईवटा खेलहरु सम्पन्न भएको छ । पहिलो खेलमा बहुअरी रियल टाईगरले बहुअरी फ्युचर टिमलाई ३ विकेटले हराएर प्रतियोगितामा जित सुरुवात गरेको छ । यस्तै अर्को खेलमा बहुअरी सुपर किंग्सले बहुअरी हिरोलाई ७६ रनले पराजीत गरेर जीत हासिल गरेको छ । शनिबारदेखि शुरु भएको प्रतियोगिता सात दिनसम्म चल्ने आयोजक कमिटीका सदस्य साजन पटेलले जानकारी दिए । बहुअरी क्रिकेट ग्राउन्डमा सुरु भएको प्रतियोगिताको बिजेता टिमलाई रु २५ हजार र उप विजेता टिमलाई रु १५ हजार प्रदान गरिने आयोजक कमिटीले जनाएको छ । 
प्रतिक्रिया दिनुहोस् !