वीरगंज (पर्सा), १० भदौ / ग्लोबल आइएमई लघुवित्त वित्तिय सँस्था लिमिटेडले पर्सा प्रहरीलाई ३२ इन्चको एल.ई.डि. स्मार्ट टिभि प्रदान गरेको छ । लघुवित्त वित्तिय सँस्थाको शाखा कार्यालय रगंपुरटाडीले पटेर्वासुगौली गाउँपालिका वडा नं. २, रगंपुरटाडी बजार स्थित प्रहरी चौकीलाई उक्त टिभि प्रदान गरेको हो ।
लघुवित्त वित्तय सँस्थाका कर्मचारीहरु प्रहरी चौकी रंगपुरटाँडीमा पुगी प्रहरी चौकीलाई टिभि हस्तान्तरण गरेको बताइएको छ । प्रहरी चौकीमा आयोजित एक कार्यक्रमबीच लघुवित्त वित्तय सँस्थाका शाखा कार्यालय रगंपुरटाँडी, पर्साका शाखा प्रबन्धक महम्मद अमानुल्लाँह सिद्धिकीले प्रहरी चौकी इन्चार्ज प्रहरी सहायक निरीक्षक गोपाल रायलाई हस्तान्तरण गरेका थिए ।
कार्यक्रममा संस्थाका केन्द्रिय कार्यालयको जोखिम विभाग प्रमुख दिवस राज ओली, विष्शिठ अतिथि संस्थाका अनुगमन अधिकृत विशेश्वर शर्मा तथा अतिथिहरु प्रहरी सहायक निरिक्षक गोपाल राय, पटेर्वा सुगौली गा.पा. वडा नं. २ का वडाध्यक्षक विजय गैरे, तथा स्थानीय भद्रभलादमी महेन्द्र चौधरी, नौसाद आलम, कुमार बस्नेत, शत्रुधन साह, रामनिवास चौरसिया लगायतको उपस्थिति रहेको थियो ।
ग्लोबल आइएमई लघुवित्त वित्तिय संस्था लिं शाखा कार्यालय रगंपुरटाडीले सामाजिक उत्तर दायित्व तथा समाजलाई सुरक्षित बनाउन प्रहरीले मुख्य भुमिका निर्वाह गरेकोलाई मध्यनजर गर्दै समाजिक सुरक्षालाई अझै सबल तथा बलियो बनाउन आधुनिक उपकरणहरुको आवश्यकत्ता भएकोले उक्त स्मार्ट टिभि हस्तान्तरण गरिएको सँस्थाका शाखा प्रवन्धक सिद्धिकीले जानकारी दिए । साथै आगामी दिनमा पनि पुन सहयोग गर्ने प्रतिबद्धता समेत जनाए ।
सँस्थाको यस जिल्लामा संस्थाको ५ वटा शाखा कार्यालय रहेको तथा सो बाट ९ हजार ६ सय २४ सदस्य, ५ हजार ८ सय ४६ ऋणि सदस्यहरुलाई सेवा पुर्याउदै साथै रु ७४ करोड १३ लाख १३ हजार १ सय ३२ रुपैया कर्जा लगानी गरी सेवा दिदै आएको सँस्थाले जानकारी दिएको छ । साथै यस सँस्थाले विभिन्न समयमा विभिन्न प्रकारका सीपमुलक तालिम, वित्तिय साक्षरता तथा जनचेतना मुलक कार्यक्रमहरु पनि गर्दै आएको बताइएको छ ।
प्रतिक्रिया दिनुहोस् !