वीरगन्ज (पर्सा), १३ साउन / जिल्ला ट्राफिक प्रहरी कार्यालय पर्साको लेखापालमा कार्यरत ट्राफिक प्रहरी सहायक निरीक्षक बुद्ध खडका ट्रायल सेन्टरको जिम्मेवारी पाएका छन् । आफ्नो माथिल्लो निकायका हाकिमलाई आर्थिक प्रलोभनमा पार्दै प्रसनि खड्काले सवारी चालक अनुमति पत्रको लागि लिइने ट्रायल सेन्टरको जिम्मेवारी पाउन सफल भएका छन् ।
जिल्ला ट्राफिक प्रहरी कार्यालयमा ट्राफिक प्रहरी सहायक निरीक्षक एवं प्रहरी नायब निरीक्षक कार्यरत रहेकै अवस्थामा कार्यालयको लेखापालमा कार्यरत रहेका प्रहरी सहायक निरीक्षक खड्का ट्राफिक प्रहरी निरीक्षक लगायत ट्राफिक प्रहरी उपरीक्षकलाई समेत आर्थिक प्रलोभनमा पारि ट्रायल सेन्टरमा खट्न जिम्मेवारी पाउन सफल भएका हुन् ।
नारायणी यातायात कार्यालयको लाइसेन्स शाखाले लिने ट्रायाल सेन्टरमा अनाधिकृत कमाई बढि हुने गरेको कारण लेखापालमा कार्यरत प्रहरी सहायक निरीक्षक खड्काले ट्रायल सेन्टरको जिम्मा पाएका हुन् । ट्रायल सेन्टरबाट आउने रकम मध्ये ट्राफिक प्रहरी निरीक्षक र ट्राफिक प्रहरी उपरीक्षकको भागबण्डा खडकालेनै दिने गरेको ट्राफिक प्रहरी श्रोतले जनाएको छ ।
श्रोतले जनाए अनुसार ट्रायाल सेन्टरको जिम्मा ट्राफिक प्रहरी उपरीक्षककै सेवा गर्ने र भागबण्डा मिलाउन सकिनेलाई नै दिने गरिएको बताइएको छ । खडकाले ट्रायल सेन्टरबाट उठ्ने रकमको बिषयमा जानकार भएकै कारण पटक पटक आफ्नो पावरको प्रयोग गर्दै पर्सा जिल्लामा आउन सफल भएको बताइएको छ ।
जिल्ला ट्राफिक प्रहरी कार्यालय पर्साका प्रमुख ट्राफिक प्रहरी निरीक्षक ध्रुव प्रसाद दहालले ट्राफिक प्रहरी सहायक निरीक्षक बुद्ध खड्का कार्यालयको लेखापाल नै रहेको बताएका छन । उनका अनुसार ट्राफिक प्रहरीलाई सहयोग पु¥याउनको लागि खड्का ट्रायल सेन्टरमा खट्ने गरेको बताए । खड्का लेखापालको कामकै लागि आएपनि अवाश्यकता अनुसार खटिएको उनको भनाई छ ।
ट्रायल सेन्टरमा ट्रायल दिने सर्वसधारणहरुसँग पास गराउनको निम्ति प्रति व्यक्ति ३ देखि ५ हजारसम्म असुली गर्ने गरिएको बताइएको छ । जसका कारण ट्राफिक प्रहरी सहायक निरीक्षक खड्का पटक पटक सवारी शाखाकै ट्रायल सेन्टरमा पुग्ने गरेको बताइन्छ ।
प्रतिक्रिया दिनुहोस् !