वीरगन्ज (पर्सा), १५ असार / पर्सा प्रहरीले यौन व्यवसायमा संलग्न आशंकामा वीरगन्जको बसपार्क क्षेत्रबाट १८ जनालाई पक्राउ गरेको छ । वडा प्रहरी कार्यालय वीर्ता र वडा प्रहरी कार्यालय श्रीपुरको संयुक्त टोलीले छापारमी गरि यौन क्रियाकलापमा संलग्न ४ जना पुरुष सहित १८ जनालाई पक्राउ गरेको हो ।
वीरगन्ज टाइम्सले मंगलबार ‘वीरगन्ज बसपार्क ः अघोषित ‘रेडलाइट एरिया’ भन्ने शिर्षकमा समाचार प्रकाशन गरेपछि बुधबार वडा प्रहरी कार्यालय वीर्ता र श्रीपुरको प्रहरी टोलीले छापामारी गरि यौन व्यवसायमा सलंगन डेढ दर्जन महिला र पुरुषहरुलाई नियन्त्रणमा लिएको हो ।
वीरगन्ज बसपार्क स्थित होटल मायालु, होटल समर र होटल रोयलबाट ३ महिला र ४ जना पुरुष गरि ७ जनालाई वडा प्रहरी कार्यालय वीर्ताले पक्राउ गरेको थियो । त्यस्तै वीरगन्जको बाइसाप ४० फिटा सडक स्थित विभिन्न टहरा एवम् खाजा घरहरुबाट वडा प्रहरी कार्यालय श्रीपुरले ११ जनालाई पक्राउ गरेको जिल्ला प्रहरी कार्यालय पर्साले जानकारी दिएको छ ।
वीरगंज बसपार्कमा किशोरी उमेरदखि युवतीहरु र अधवैसे युवतीहरु बसपार्क क्षेत्रका होटलमा खुलेयाम यौन व्यावसाय हुँदै आएको स्थानियहरु वताएका छन् । बसपार्क क्षेत्रभित्रै रहेका होटलदेखि आसपास क्षेत्रका होटलहरुमा किशोरी तथा महिलाहरु यौन व्यवसायका लागि ग्राहक कुरि रहेका सहजै तरिकाले देख्न सकिन्छ । यसले गर्दा त्यस क्षेत्रमा बसोबास गर्ने सर्वसाधारणहरुले पनि दुःख खेप्नुपर्ने अवस्था सृजना भएको समाचार प्रकाशित भएको थियो ।
प्रतिक्रिया दिनुहोस् !