वीरगन्ज (पर्सा), ४ जेठ / पर्साको पटेर्वासुगौली गाउँपालिकाको अध्यक्ष र उपाध्यक्षमा नेपाली काँग्रेसको उम्मेदवार विजयी भएका छन् । काँग्रेसका दिनेश कुमार चौधरीले ५१४४ मत ल्याई विजयी भएका हुन् । उनका निकट्म प्रतिद्वन्दी निवर्तमान अध्यक्ष एंव एमालेका उम्मेदवार हरिनारायण चौधरीले ३९४४ मत ल्याएका छन् ।
दिनेशले हरिनारायणलाई १२ सय मतको अन्तरले हराउदै गाँउपालिका अध्यक्षमा विजयी भएका हुन् । २०७४ को निनर्वाचनमा दिनेश, हरिनारायणसँगै ८२ मतको झिनो अन्तरले पराजित भएका थिए ।
यसैगरि उपाध्यक्षमा काँग्रेसकी ममता महत्तो थारु पुनः विजयी भएकी छिन् । चौधरीले ४४ सय ४४ मत ल्याई विजयी भएकी छिन् । उनकी निकटतम प्रतिस्पर्धी एमालेकी मन्तुरा देवीले ४०१३ मत ल्याएकी छिन् ।
यसैगरि पटेर्वासुगौली गाँउपालिकाको वडा नम्बर १ एमालेका फरमान मियाँ अन्सारी, वडा नम्बर २ मा कांग्रेसका बिजय गैरे, वडा नम्बर ३ मा कांग्रेसकै माधव प्रसाद राउत थारु, वडा नम्बर ४ मा कांग्रेसकै बासु पन्न्जियार थारु र वडा नम्बर ५ मा कांग्रेसकै बिपिन चौरसिया वडाअध्यक्षमा बिजयी भएका छन् ।
प्रतिक्रिया दिनुहोस् !