वीरगन्ज (पर्सा), २ जेठ / वीरगञ्ज महानगरपालिकाको मेयरमा जसपाका राजेशमान सिंहको अग्रता कायमै रहेको छ । शुरुवातीदेखि नै अग्रता कायम गर्दै आएको जपसाले हाल १९ हजार ४ सय ९ वटा मतगणनासम्म आफ्नो अग्रतालाई कायमै राखेको छ । पछिल्लो ताजा मतगणना अनुसार सिंहले ९ हजार ७ सय ६८ मतका साथ आफ्नो अग्रतालाई निरन्तरता दिएका छन् ।
त्यस्तै उनका निकटतम् प्रतिद्वन्द्धी नेकपा (एमाले) का विजय कुमार सरावगीले ४ हजार २ सय ८६ मतका साथ सिहंलाई पछ्याइरहेका छन् । यता राप्रपाको गिरिश गिरीले ३ सय ४१ मत प्राप्त गरेका छन् ।
त्यस्तै वीरगञ्जको उपमेयरमा भने नेपाली कांग्रेसका इम्तियाज आलमले अग्रता कायमै राखेका छन् । उनले ६ हजार ६ सय ६१ मत प्राप्त गरेका छन् । उनलाई पछ्याई रहेका लोसपाका पुरुषोत्तमलाल झाले १ हजार ८१ मत प्राप्त गरेका छन् भने राप्रपाकी विना जयसवार (कुर्मी) ले ५ सय ३९ मत प्राप्त गरेकी छिन् ।
यसैगरि उपमेरका स्वतन्त्र उम्मेदवार रम्भा मिश्राले ७ सय ७६ मत प्राप्त गरेकी छिन् । हालसम्म वडा नं. १, २, ३, ४, ५, ६, २८, २९, ३०, ३१ र ३२ को १९ हजार ४ सय ९ मत गन्दा मेयर पदमा १४ हजार ५ सय २२ मत सदर भएको छ भने ४ हजार ८ सय ८७ मत बदर भएको निर्वाचन अधिकृतको कार्यालयले जनाएको छ । यसैगरि उपमेयरमा ९ हजार २ सय ३९ मत सदर भएको छ भने १० हजार १ सय ७० मत बदर भएको छ ।
प्रतिक्रिया दिनुहोस् !